by

SMSB hahu reabilita eis hospitál referrál Baucau ba faze dahuluk


Servisu Munisípál Saúde Baucau (SMSB) hahu reabilita eis Ospitál Referál Baucau iha Suku Tirilolo Postu Administrativu Baucau Vila Munisípiu Baucau ho faze da-huluk hahu reabilita ho uma lima hafoin remata sei kontinua ba faze da-ruak ba uma hitu seluk to’o remata.

Lia hirak ne’e hato’o husi Diretor Servisu Munisípál Saúde Baucau Lionel Guterres ba jornalista sira segunda feira ne’e hateten, objektivu reabilita Óspitál Referál Baucau ne’e atu prepara ba fatin izolamentu no karantina ba pademia covid-19 wainhira moras covid-19 akontese iha munisípiu baucau

Nia informa tan katak,Governu liu husi Ministériu Saúde reabilitaba eis Óspitál la’o deit iha Munisípiu Baucau maibé Ministériu Saúde reabilita hotu óspitál iha Munisípiu sanolu resin rua inklui RAEOA.

“objektivu husi reabilitasaun óspitál ida ne’e kuaze akontese iha munisipiu hotu-hotu ne’ebe ministeriu saude atu prepara ba fatin kuarantina no izolamentu ba pademia covid-19,se karik kazu akontese ho volume ne’ebé barak tau iha dili mak labele akomoda tomak entaun munisípiu ida-idak iha ona fatin ne’ebé apropriadu atu bele akomoda ita nia sidadaun sira ne’ebé mai husi nasaun rai liur afetadu ba covid-19,entaun ita munisípiu baucau eis óspitál agora reabilita ona wainhira reamta bele mai karantina iha fatin ida ne’e”dehan Lionel ba jornalista RCLM(23/02)

Diretor Servisu Munisípál Baucau hatutan kompañia ne‘ebé kaer projeitu reabilita eis óspitál referál tirlolo baucau mai husi kompañia lokál ne’ebé asina ona termu konstrusaun ho Ministériu Saúde iha loron sanolu resin hat fulan janeiru tinan ne’e,no reabilitasaun eis óspital refere sei finaliza iha fulan marsu tinan ne’e maibé tambá iha estadu emerjensia fronteria terestre taka parte kompañia la bele aselera lalais reabilita ba eis óspitál refere.

“atu entrega lolos ne’e iha loron sanolu resin hat fulan masu ba faze primeiru ninian maibe kuaze fulan ida tamba estadu emerjensia Lokdown entaun sasan konstrusaun balun ne’ebe mai husiu rai liur tarde kuaze semana rua hanesan ne’e maibe ita hare’e sira aselera ona lalais ona ba efisiu ida uluk bolu dehan kantor ospital ninian sira taka ona agora book tan ona uma ba laboratoriu no asiu nian ba kazu covid-19 kuandu iha no sira sei hadia tan janela odamata sira seluk ne’e diak hela”hatutan Lionel

Tuir planu uma sanolu resin rua husi eis óspitál referál baucau mak sei halo reabilitasaun,enkuantu ba faze primeiru hahu ona uma lima no faze daruak sei kontinua reablita ba uma lima no ikus sei remata ho uma rua hodi finiza reablita eis óspitál refere.
Jornalista :Abrão/Agus

Editór :Agus Guterres

Comment