by

ONG JITL fó Treinamentu ba Benefisiáriu Kona-ba Prosesu Kuda Maek no Hudi


Organizasaun Non-Governamental Juventude Inovativu Timor-Leste fó treinamentu ba benefisiáriu sira hamutuk rua nulu husi Aldeia Darasula Suku Gariwai Postu Administratuvu Baucau villa,ne’ebé ko’alia kona-ba oinsa prosesu atu kuda produtu lokal maek no hudi.

Lia hirak ne’e hato’o husi Diretor Ezekutivu Juventude Inovativu Filipe de Jesus,ba jornalista Radio Comunidade Lian Matebian Baucau,iha salaun Assosiasaun Unidade Feto Dezenvolvimentu(A-UFD) kinta feira ne’e hateten,liu husi formasaun ne’e oinsa atu juventude sira iha kuiñesimentu hodi kuda produtu lokal maek no hudi hodi promove produtu lokal hirak ne’e.

Nia afirma,iha formasaun ne’e mos sei lori benefisiáriu sira ba iha baze,hodi halo observasaun direita ba produtu lokal ne’ebé mak iha,tamba tuir nia dadaun ne’e komunidade barak mak seidauk fó importansia ba produtu lokal sira ne’e hodi kontinua estraga.

“Ohin loron aktividade ba loron daruak nian horseik ita fo introdusaun kona ba teorikamente koalia kona ba produtu local hudi no maek no ohin kontinua tan kona ba promove produtu local maek no hudi orsida ita sei lori ita nia benefisiariu sira ba vizita mos fatin balun hodi loke sira nia hanoin para oinsa sir abele hare’e didiak iha future mai sira mai sira bele aprende,I lokraik ita sei lori sira mos ba observa direitamente ba produtu local maek iha area darasula hodi observa direitamente produtu local sira ne’eb mak iha toos laran I oinsa sira ba observa mos produtu local sira ne’ebe mak ita nia komunidade sira kesi kuda kesi animal I produtu local balun ne’ebe mak la hamos atu nune’e sira observa I bele análiza iha futuru mai sira bele hadia situasaun sira ne’e katak maneira ida ne’e ladun diak” Dehan Diretor Ezekutivu Juventude Inovativu Filipe de Jesus,ba jornalista Radio Comunidade Lian Matebian Baucau,(Kinta,25/02/21).

Nia hatutan,objetivu husi formasaun ne’e mak oinsa,atu utilize rai máximu hodi promove maek no hudi hodi produz ai-han rendementu rezervatóriu iha futuru atu halo rekoperasaun ekonómia ho sustentavel liu-liu iha tempu pandemia covid-19.

“Atu hateten deit katak ita nia programa espesífiku ida mak atu utiliza rai ho masimu segundu mak atu produz ai-han no rendimentu rezervatoriu iha futuru I terseiru mak ita atu koalia kona ba rekoperasaun ekonomia liu-liu iha situasaun pandemia ida ne’e tamba situasaun pandemia ida ne’e hanesan oprtunidade prinsipal ida ba ita para prepra ita nia an se lae iha kondisaun sesta bazika hanesan ita la rekopera ita nia ekonmia ita la rekopera ita nia ai-han ne’e mos fo fali risku ba ita” Nia akresenta.

Entertantu Formador Manuel Nazario hateten,formasaun ne’e iha matéria rua importante mak teória no prátika oinsa prosesu kuda maek,enkuantu liu husi formasaun ne’e mos oinsa atu eleva joven sira nia kapasidade hodi nune’e ba futuru joven sira bele kria rasik servisu ba sira nia an rasik,liu husi kuda maek.

“Treinamentu iha ne’e ita buat rua mak ita sei halo mak pratika no teória ohin ne’e ita sei teoria depois loron aban ita sei pratika iha kampu ne’ebe ita iha ne’e objetivu husi treinamentu ne’e oinsa los ita bele ajuda eleva joven sira nia kapasitasaun atu nune’e ba oin sira bele halo netik buat ruma ba sira nia an tamba iha tempu agora liu-liu iha tempu udan ema hotu-hotu preokupa oinsa atu hetan osan entaun iha ne’e produtu ida ne’ebe mak valor ekonomia a’as hanesan maek durante ne’e ema ladun kuda kuda iha ai-laran deit maibe wainhira hare’e nia folin diak ema hotu-hotu buka” Dehan Formador Manuel Nazario ba jormalista RCLM baucau.

Aleinde ne’e Formadu Pascoal Franscisco da Silva hateten,senti kontente wainhira tuir formasaun tamba bele iha kuiñesimentu hodi kuda maek no hudi,tamba durante ne’e sira la iha kuiñesimentu klean kona-ba oinsa teknika atu kuda maek no hudi,enkuantu nia parte prontu hodi implementa oinsa prosesu kuda maek no hudi ho diak iha nia fatin.

“Iha fase dahuluk hau senti kontente tebes tamba ami bele hetan esperiensia kona ba kuda hudi no maek tamba dala barak ami utilize kuda hudi no maek ami iha kuiñesimentu kona ba ida ne’e entaun ida biban ida ne’e ami sente kontente tamba ami bele hetan formasaun husi fasilitador sira oinsa fasilita ami atu halo distansia entre kuda hudi no maek tuir distanmentu tamba ami dala barak ami kuda la tuir distanmentu,no ami tuir formasaun ne’e ami sei implementa iha ami nia fatin tamba ami iha ona kuiñesimentu kona ba kuda hudi no maek no ami sei imlementa iha ami nia toos hodi halo dezenvolve diak liu tan,tamba iha tempu ne’eba ami dezenvolve ladun diak no latuir medida” Dehan Formadu Pascoal Franscisco da Silva.

Entertantu formasaun ne’e durante loron tolu ,ne’ebé hahu husi kuarta-feira no sei remata iha sexta feira semana ne’e.
Jornalista :Calistro Pereira

Comment