by

Membru KPK Suku Tirilolo hamutuk 55 Simu Tomada De pose


Membru konsellu Polisiamentu Komunitária hosi aldeia ne’en suku tirilolo hamutuk lima nolu resin lima kinta fera ne’e simu tomada depose hosi komandu PNTL Munisípiu baucau hodi ajuda ofisiál polisia suku atu hakbesik liu tan inan aman no identifika sira nia problema.

Lia hirak ne’e hato’o hosi komando PNTL Munisípiu Baucau superitendente Xefe Armando Moteiro hafoin fo tomada de pose ba membru KPK hateten Kosellu polisiamentu hari’i iha kada suku, ezinsia mai hosi inan aman, sosiedade no autóridade lokál ho objetivu atu identifika problema iha suku laran inklui involve inan aman no autóridade lokál sira hodi fó solusaun ba problema ne’ebé durante ne’e mosu iha tiritoriu Timor –Leste.

“ba polisiamenntu komunitariu ligadu ho situasaun aktuál ne’ebé mak iha rai laran ne’ebé mak sai hanesan prekupasaun inan aman sosiedade autóridade no intelektuál sira entaun iha tempu da ke difisíl ami ofisiál superior iha niavél nasionáal rona ejizensia husi inan aman sosiedade no autóridade lokál oinsa mak polisia bele besik liu ba iha inan aman hodi identifika inan aman sira nia problema no involve mós inan aman ho autóridade hodi fo solusaun ba probelma ne’ebé mak durante ne’e mosu iha ita nia teritoriu timor leste”dehan Armando ba Jornalista RCLM Kinta-feira(25/02)wainhira remata tomada de pose ba membru KPK.

Iha tempu hanesan Xefe Suku Tirilolo hanesan mos Prezidente Konsellu Polisiamentu Suku Ricardo Ernestu Belo hatetene husu ba membru KPK suku tirilolo atu kaer metin kompremisiu ne’ebé deklara iha serimonia tomada de pose atu kaer metin Pontus hat ne’ebé sira rasik promete ona ba komunidade suku tirilolo.

“pose ida ne’e hanesan juramentu ida ohin ita hotu kaer foillas mutuin iha ita nia oin iha Pontus hat mak sita iha laran ba membru sira tomak ita bo’ot sira hanoin no le didiak rai didiak bele fila ba ita nia uma aldeia no suku ida idak ou bairus karik bele intende didiak Pontus hat ne’ebé ohin ita promete tiha ona iha fatin ida ne’e no iha nai ulun sira nia oin siginifika ita la’os tau ita nia an ba risku maibe buat ne’ebe ita prevene ne’e ita sempre halo”dehan Riacdo

Manajer Ajensia Asean Foundation Antonio Aurelio Guterres agradese ba komandu PNTL Munisípiu baucau no autóridade munisípiu baucau ba kolaborasaun no hakbit servisu hotu durante ajensia foundation entre Polisia nasionál timor leste iha munisípiu baucau.

Agradese ba komandu munisipiu baucau no mos ba prezidente autoridade munisipiu baucau nia kolaborasau durante ne’e liu liu oinsa atu fo biban ba ajensia asean foundation atu bele kolabora no hakbi’it hametin servisu ne’ebe mak ita hotu hakarak hare’e ninia progresu diak liu liu iha instituisaun PNTL”

Entertantu Reprejentante Prezidente Autóridade Munisípiu Baucau Simão Pinherio hateten liu husi tomada de pose epera bele servisu hamutuk ho PNTL munisípiu Baucau atu bele estebelese situasaun iha suku ba iha postu no bele kontribui direkta ba iha munisípiu hodi minimiza problema iha munisípiu baucau.

“ita bo’ot sira ne’ebé ohin simu ona tomada de pose ou hetan ona konfiansa atu servisu ho ita nia polisia munisípiu hodi fo seguransa maximu nafatin oinsa bele establese situasaun ba iha atóriedade lokál no munisípiu hodi bele reduz problema sira ne’ebé durante akontese iha munisipiu baucau”

Partisipa iha tomada de pose ba membru KPK ne’e mai husi Autóridade Munisípiu,Ofisiál Polísia Suku,Ajensia Asean Foundation,Veteranus inklui juventude husi suku Tirilolo.

Jornalista : Agus Guterres

Editór : Agus Guterres

Comment