by

Komando PNTL Baucau Kaptura Suspeitu Nain 3 Nauk Motor Ho Evidensia Motor ida


Relasiona ho mandadu kapturasaun husi Tribunál Distritál Dili ,Komando Polisia Nasionál Timor-Leste Munisípiu Baucau ezekuta mandadu kapturasaun ba suspeitu nain tolu ne‘ebé involve iha grupo nauk motór iha dili tinan kontuk.

Kestaun ne‘e hatoo husi Komadante Polìsia Nasionál Timor-Leste Munisípiu Baucau Superintendente Xefe Armando Monteiro liu husi konferensia imprensa ne‘ebé realiza iha salaun treinamentu PNTL Baucau quarta feira ne’e hateten liu husi kordenasaun ho komunikasaun husi komando PNTL Dili ho PNTL Baucau tersa feira kalan liu husi operasaun konsegue kaptura suspeitu nain tolu , ho inisial SRX tinan 27 ho GS tinan 25 ne‘ebé asegura iha area Buibau , ida seluk ho inisial ADC tinan 30 ne‘ebé asegura iha area Bahamori suku Gariwai Postu Administrativu Baucau Vila.

“relasiona ho kazu furtu agravadu ne’ebe mak hala’o iha dili hafoin kordenasaun komunikasaun ho komandu PNTL Munisipiu Dili no Baucau iha fulan novembru liu ba ami halo operasaun konjuntu iha fulan janeiru ita tenta no identifika lokaliza suspeitu ida ita kaptura tiha entrega ona ona ba komandu Munisipiu dili no konitnua halo identifika lokaliza suspeitu balun ne’ebe mak iha prosesu investigasaun no hafoin hetan mandadu husi tribunal distrital dili liu husi kordenasaun no komunikasaun PNTL dili no baucau hodi kalan tuku sanolu resin ida liu minutu tolu nolu liu husi operasaun buka tuir ida no ita identifika lokaliza suspeitu nain tolu ita asegura kedas”dehan Aramando ba jornalista sira Kuarta-Feira(24/02).

Komadante afirma husi operasaun ida ne‘e komando PNTL munisípiu baucau kaptura suspeitu sira inklui evidensia motór beat strit ida ne‘ebé dau-daun ne‘e asegura ona iha resintu komando PNTL munisípiu baucau hodi submete ba prosesu tuir mandadu ne‘ebé Tribunál Distritál Dili nian.

“husi operasaun ida ne’e ita kaptura suspeitu ne’ebe mak hetan mandadu no ita kaptura tan suspeitu foun ida ho evidensia motorizada beat strit ida ne’ebé mak dadaun ne’e asegura hela iha iha komadndu no oras tan ami sei ami sei entrega ba kmandu PNTL munisípiu dili hodi kontinua halo prosesu tuir kompetensia tribunal distrital dili nian”Armando hatutan

Komando PNTL munisípiu baucau liu husi koordenasaun no komunikasaun ne‘e sei apoiu halo operasaionál ba grupo sira ne‘ebé durante ne‘e nauk ema nia motor ,enkuantu nia parte husu ba kmomunidade sira nafatin atensaun wanhira ema ruma nauk motor iha fatin ruma lalais informa ba komando polisia hodi nunee bele halo intervensaun lalais.
Jornalista:Feliciano Venancio

Editór : Agus Giterres

Comment