by

Berdu’u,Preokupa BNCTL Sukursál Baucau besik Estrada públiku


Prezidente Konsellu Veteranus Munisípiu Baucau Fernado Gusmão alias “Berdu’uˮ hateten Banku Nasionál Komersiu Timor-Leste sukursál Baucau aktuál ne’e besik liu Estrada Públiku hodi hamosu ingrafamentu ba moviementu trasporte Públiku nian inklui fó mós amesa ba kliente sira wainhira asesu ba banku refere hodi foti sira nia osan.

Prezidente Konsellu Veteranus hato’o lia hirak ne’e ba jornalista Kuarta feira ne’e wainhira partisipa iha lansamentu kuadru avizu no dezenu Edifisiu Foun BNCTL sukursál Baucau hateten, edisifiu tuan BNCTL Sukursál Baucau besik estrada Púpliku ne’e la sufisiente atu akumula kliente hotu atu simu osan tamba fatin refere ki’ik no klot tamba ne’e BNCTL sukursál Baucau planu hari’i edifisiu foun iha eis kodim Uatulete Baucau.

“BNCTL tuan iha sorin ne’e besik liu estrada públiku ninin uluk kedas ami prekupa se iha esrada ninin hanesan ne’e mak kareta ruma soke ema ruma sai problema bo’ot no wainhira mosu problema bo’ot ita hotu mak sei hamutuk resolve la’o BNCTL no ami veteranus deit tamba ne’e hau hakarak ita hari’i edifisiu foun iha fatin ida ne’ebe mak luan”dehan Berdu’u ba jornalista RCLM kuarta-feira(24/02)wainhira partisipa iha lansamentu kuadru avizu hodi hari’i edifisiu foun iha eis Kodim Uatulete Baucau.

Nia hatutan,dadaun ne’e iha ona rai ne’ebé dook husi estrada públiku hodi hari’i edifísiu foun BNCTL Sukursál Baucau.

“tuir hau nia hare’e labarik sira la eskola iha ne’e labarik sira mak kursu iha sorin no fatin ida ne’e abandona ne’e mak banku mai husu fatin ida ne’e hau apoiu hodi hari’i edifisiu foun BNCTL nian problema rua mosu ita hotu hamutuk rezolve servisu kontinua la’o nafatin”Berdu’u hatutan

Konsellu Veteranu Munisípiu Baucau kompromete sei apoiu totál hodi hari’i edifísiu BNCTL sukursál Baucau foun to’o remata.

Jornalista: Agus Guterre

Editór : AgusbGuterres

Comment