by

WVTL realiza Dialogu Aberta ho Komunidade Husi Suku 7 iha Munisípiu Baucau


Agensia Internasionál World Vision Timor Leste Realiza Dialogu Aberta ho kumunidade husi suku hitu iha Postu Administrativu Baucau Vila Munisípiu Baucau mak hanesan Buruma, wailili, Tirilolo, Buibau, Gariuai, Samalari, Seical, ho tema “hamutuk ita hadi’ak liu tan atendementu saude liu hosi sorumutu aberta” ne’ebé ho programa lian no asaun sidadaun liu hosi advokasia ho komunidade sira hodi suporta no asegura atu komunidade fó sira nia lian.

Lia hirak ne’e hato’o hosi diretora Nasionál WVTL Miguena Sulla liu hosi nia diskursu hatete objetivu strategia World Vision Timor Leste atu halo advokasia ho komunidade sira oinsa fasilita lian no asaun sidadaun nian ba setór saúde iha nivel suku no fasilidade atividade lian no asaun sidadaun nia foka ba atendementu postu Saúde no Sisca.

Nia afirma, lian no asaun sidadaun nia ba setór saúde ne’e halao hosi reprezentante komunidade ne’ebé akumula ona konsultasaun hosi parte utulizadór komunidade no fornsedór atendementu pesoál saúde no voluntariu saúde sira.

Dadaun ne’e WVTL faselita lian no asaun sidadaun ba setor saude iha nivel suku no fasilidade ne’ebe atividade lian no asaun sidadaun foka ba atendementu postu saude no sisca ne’ebe halo hosi reprezentante komunidade ne’ebe hakna’ar iha komite lian no asaun sidadaun, komiti no lian asaun sidadaun fasilita no akumula ona konsultasaun hosi parte utilizador komunidade no fornesedor atendementupesoal saude no voluntariu saude” Dehan diretur Nasionál WVTL Miguena Sulla liu hosi nia diskursu (19/02) Iha salaun CCB

Nia hatutan konsultasaun ne’ebé durante ne’e parte WVTL halo ho komunidade sira, rejultadu sei hato’o ba autóridade lokál no pesoál saúde sira nune’e oinsa autóridade no pesoál saúde sira, buka solusaun hodi hadi’ak liutan no kompleta lacuna sira, Nune’e aumenta no reforsa liu tan rekursu umanaus ne’ebé mak iha.

“Rejultadu konsultasaun ne’ebe mak rekoilla sei hato’o fila fali ba autoridade lokal nomos pesoal saude no buka solusaun hodi hadiak liu tan no kompleta lakunas sira ne’ebe mak iha atu refosa rekursu sira ne’ebe mak iha”. Dehan Miguena

Iha tempu hanesan Diretura Nasionál Saude Públiku Isabel Maria Gomes hateten dialogu aberta ho objetivu atu rona diretamentu prekupasaun komunidade nia iha baze liu-liu saúde nia nune’e ba future bela halo intervesaun hodi responde ba difikuldade ne’ebé durante ne’e sira infrenta.

Atu rona diretamente obstaklus no mos prekopasaens ne’ebe mak durante ida ne’e populasaun iha munisipiu baucau infrenta sira konvida ami ohin mai iha ne’e atu rona bainhira iha preokupasaun ami bele rona direitamente hodi nune’e iha future ami halo intervensaun hodi bele responde ba sira ninia preokupasaun ne’ebe mak sira infrenta oras ne’e dadauk”. Dehan Isabel

Entertantu prezidente Komisaun F Parlamentu Nasionál ba trata asuntu Saude,Sosiál,Igualidade no Defisiensia Noe Marçal Da Silava “Buka Tuir” hateten komisaun F parlemtu Nasional atu rona preokupasaun hotu iha setór saúde nia hosi komunidade nune’e bele aprezenta ba governu hodi ezekuta tuir planu ne’ebe iha.

Alende ne’e komisaun F mós apresia Servisu World Vision Timor Leste ne’ebé konvida ona hodi mai partila informasaun ba autóridadeiha munisípiu no komunidade kona-ba saude nian.

Komisariu F apresia ba servisu WVTL tamba komvida ona ami hodi mai partial informasaun ba autoridade sira iha munisipiu baucau no ho komunidade atu fahe informasaun kona-ba saude injeral ba ita nia sosiadade sira bele atende diak situasaun saude iha ita nia nasaun timor leste liu-liu iha baucau,premeiru ami tenke rona direita hosi sira preokupasaun saida mak sira hakarak hato’o ba iha parlamentu nasional depois mak ami hanesan deputadu hato’o ba governu para ezekuta tuir saida mak ita hotu nia espetativa”Dehan Prezidente Palmentu Komisaun F

Partisipa hosi dialogu aberta ne’e mai hosi autóridade suku hitu iha hosi Postru Administrativu Baucau vila, komunidade, Prezidente Autóridade Munisípiu Baucau inklui parseiru servisu sira iha Munisípiu Baucau.

Orador sira hosi Dialogu Aberta mai hosi Diretur Nasional Saúde Públiku,Prezidente Komisaun F Parlamentu Nasionál no PDHJ Delegasaun Tiritoriál Munisípiu Baucau.

Jornalista : Agus Guterres no Abrão Freitas

Editór: Agus Guterres

Comment