by

Komunidade Aldeia Osowa no Parlamentu Senti Kontente ho Programa Sesta Bázika.


Reprezentante komunidade Aldeia Osowa, Suku Tirilolo Postu Adminitrativu Baucau Vila Augusto Belo senti kontente ho programa sesta bazìka tamba governu bele rekopera hikas menus ai-han relasiona ho pademia kovid-19 ne’ebe limite ema nia movimentu atu asesu ba ai-han.

“hau simu sesta bazika laos nu’udar hau nia gaze maibe gorvernu hatene tamba durante ne’e povu iha situasaun ida covid-19 hodi nu’une ami simu ai han sesta bazika“ dehan Reprezentante komunidade Aldeia Osowa, Suku Tirilolo Postu Adminitrativu Baucau Vila Augusto Belo ba jornalista sira,(Kinta,18/02/21).

Iha tempu hanesan Xefe suku Tirilolo Ricardo Ernesto Belo hateten distribuisaun sesta bàzika hosi kompana sai la fila iha aldeia osowa fofu-foun mosu duni protesta hosi komunidade sira tamba hare ba sasan ne’ebe distribui nia folin la tuir osan ne’ebé governu promete, maibe hafoin hetan espliksaun hosi ministériu no kompaña konsege rejolve.

“primeiru dia ne’e laos sira la ajeita mass sira hakarak hatene los sasan sira ne’e nia kusto,sira atu husu parte relevante atu bele esplika kle’an setela ida ne’e segundu dia husi parte MTCI husi parte nasional mai depois sira esplika kle’an tiha e sira hotu hotu simu hotu tiha ona sira hotu hotu mai husu kedas sira halo tarata ema hotu hotu simu tamba ema ida foos kilu sanulu hotu hotu sira aumenta kilu lima depois aumenta taan naan nebe sira hotu hotu kontente be sira simu hotu kedas“ dehan Xefe suku Tirilolo Ricardo Ernesto Belo.

Entertantu Diretora PDHJ Delegasaun Tiritoriàl Baucau Joanita Silveira Da costa rekonese akontese insatisfasaun hosi komunidade sira tamba konsidera sasan ne’ebé distribui hosi kompaña nia presu la to’o dolar lima nolu nune’e komunidade rejeita no komunika kedas PDHJ Delegasaun Tiritoriál Baucau, wainhira PDHJ Delegasaun Tiritoriál Baucau simu informasaun tun kedas halo monitorizasaun maibé ho prezensa hosi parte governu konsege solusiaona ikus komunidade konkorda simu .

“tuir lolos ema ida hetan ba fulan rua ne’e sinkuenta dollares maibe sira baku ba sasan ne’ebe mak sira tau simu ne’e sira heta deit vinte kuatru virgula sinkuenta sentavus entaun ho ida mak sira la satisfaz no sira lakohi atu simu entaun depois de ida ne’e ami halo komfirmasaun fila fali ho xefe do sulu liu husi via telefone horibainrua entaun iha ne’eba xefe do suku imforma katak iha sesta feira ne’e la konsege distribui sesta bazika tamba relasiona ho problema ne’e“ Dehan Diretora PDHJ Delegasaun Tiritorial Baucau Joanita Silveira da Costa.

Komunidade suku tirilolo hosi aldeia rua parlamentu no osowa mak simu ona programa sesta baziku enkuantu aldeia hat seluk sei simu iha faze tuir mai.

Jornalista : Agus Guterres no Calistro Pereira

Editór : Agus Guterrea

Comment