by

Durante Observasaun PDHJ la Detekta Iregularidade Iha Implementasaun Programa Sexta Bazika


Durante observasaun Providoria Direitus Humanu no Justisa (PDHJ) Delegasaun Territoriàl Munisìpiu Baucau la detekta iregularidade mosu iha implementasaun distribuisaun programa sesta bazika ne’ebé, kompaña sira fahe ba postu administrativu tolu hanesan Vemase,Venilale no Baucau Vila tamba kompaña hirak ne’e kumpri duni item sanolu resin rua ne’ebé governu aprova.

Lia hirak ne’e hato’o husi Diretora Providoria Direitus Humanu no Justisa (PDHJ) Delegasaun Territoriàl Munisìpiu Baucau Joanita Silviera da Costa, ba jornalista radio comunidade lian matebian baucau quinta-feira ne’e iha nia knar fatin hateten,durante obeservasaun PDHJ iha postu administrativu tolu ne’ebe kompaña destribuitór sira la hamosu iregulairedade ba sasan ne’ebé ho item sanolu resin rua,tamba komapaña sira servisu hamutuk ho CLN destribui ba komunidade.

Joaniata afirma, iha suku no aldeia ne’ebé kompaña sira destribui sasan, tuir observasaun PDHJ nian la iha iregulairdade ruma tamba,antes ne’e sira observa uluk ona aramajem halo pakotementu sasan hirak ne’e.

“Tuir observasaun PDHJ ninian hotu hotu iha fatin sira ne’ebe mak ami ba ladun hetan irregularidade ne’ebe mak boot tamba ami nia observasaun direita ami hare’e ba iha sasan sira ne’e dalaruma ho intervensaun direita ami imforma kedas ba sira tamba iha ne’e mos ami halo hotu monitorizasaun ba iha fatin pakotementu ninian hanesan iha baucau armajen andimakmur ami mos halo monitorizasaun aleinde ne’e intervensaun buata ki‘ikoan sira ne’ebe mak ami hetan iha terreinu dalaruma ami imforma kedas ba sira,por ezemplu ami nia monitorizasaun primeiru iha suku vemasse tasi bainhira komunidade sira simu sasan,sira nia sasan balun plastik nakfera tiha entaun ami husu hodi troka maibe sira dehan labele troka tamba ida ne’e numeru los ona“ Dehan Direktora Providoria Direitur Humanus Justisa(PDHJ)territorial de baucau Joanita Silveira da Costa ba joranalista sira,(Kinta,18/02/21).

Nia hatutan alende observa direta benifisiariu sira,PDHJ mos akomapaña husi media sosiál wainhira komunidade balun mak la menta ba programa sesta baziku,tamba sasan ho folin ne’ebé la hanesan bele hato’o keixa ka diretamente iha edifisiu PDHJ nian iha Munisípiu Baucau.

“Komunidade sira nia lamentasaun karik la mai to’o direita mai iha edifisiu PDHJ delegasaun territorial ou ba iha nasional entaun ami akompana mos imformasaun sira iha media sosial ne’ebe mak ligasaun ba iha program governu nian ami hare’e mos issu ida ne’ebe akontese iha lautem komunidade sira balun mos ladun satisfas iha presu no sasan sira ne’ebe mak simu“ Joanita Silveira da Costa sublina.

Enkuantu relasiona ho estadu emerjensia ba dala sanolu PDHJ mós hala’o observasaun wainhira simu programa sesta komunidade inklui Autóridade sira,la kumprei regra prevensaun covid-19 nian husi ministériu saúde no organizasaun saúde mundiál nian,hanesan uza maskra/distansiamentu sosiál no prepara be’e hodi fase liman.

Jornalista : Agus Guterres

Editór :Agus Guterres

Comment