by

Dom Basilio : Durante Covid-19 Ema Balun Sai Riku

Dom Basilio do Nascimento,iha nia humilia missa cinzas iha igreja katedrál santo Antonio Baucau,kuarta feira ne’e hateten,relasiona ho surtu covid-19 ne’ebé durante akontese iha mundu inklui Timor Leste,ema balun sai riku tamba liu husi prevensaun sira ne’ebé mak iha hodi ema barak esforsu an produs maskra hodi faan ho folin ne’ebé la hanesan hodi hetan osan.

Nia afirma,ho moras ne’e dala barak ema la fó importansia maibé ema barak aproveita iha tempu covid-19 ne’e hodi hetan osan,tamba produs maskra hodi faan,enkuantu dadaun ne’e maskra ida ho folin dollar sentavus lima nulu to’o dollar ida no populasaun maiíria mak nafatin uza maskra.

“Tuir hau relasiona ho moras ne’e halo ema balun manan osan los duni agora dadaun ita hare’e no ita boot sira hare’e maskra,maskra ida hira , tamba dadaun ne’e iha ita nia rain maskra ida nia folin lima puluh send to’o satu dollar,maibe ita ne’ebe agora dadauk tuir missa ne’e kuaze atus walu resin entaun maskra ne’ebe ita uza mos kuaze atus walun ne’ebe ita ohin fo osan dollar oitu sentus dollares,agora ita halo took perbandigang satu dollar por ema milloes osan hira mak ita hasai hodi hola maskra” Dehan Bispo Diocese baucau Bom Basilio do Nascimento ba jornalista sira,(kuarta-feira,17/02/21).

Lider másimo igreja katólika ne’e hatutan, husu ba sarani katólika no relijiaun sira hotu hodi nafatin halo orasaun no kumpri regras sira ne’ebé mak organizasaun saúde mundiál no ministériu saúde fó sai hodi prevene an husi moras covid-19, tamba moras refere mai la hare ba relijiaun maibé moras ne’e mai hada’et hodi hamate ema nia vida.

“Maluk sira husu ba ita hotu halo orasaun no kontinua halo prevensaun tamba moras ne’e mai la hare’e ba katoliku ga,la hare’e ba protentante ga,la hare’e ba hindu ga,maibe moras ne’e mai hare’e ba ema,ne’ebe katolika bele fiar dala sanulu covid mos sei mai,tamba ne’e ita nafatin halo prevensaun” Nia haktuir

Enkuantu tuir observasaun jornalista RCLM baucau iha missa kuarta feira cinzas ne’e,sarani sira barak mak tuir missa maibé nafatin kumpri regras sira ne’ebé mak iha,liu-liu halo distansiamentu sosial no uza maskra.

Jornalista : Abrão Freitas

Editór : Agus Guterres

Comment