by

Covid-19 “hetok” aumenta iha Mundu tomak ,Dom Bazilio husu sidadaun hotu tenke kumprimenta ba regas MS no OMS


Bispu Dioseze Baucau Dom Basilio Do Nacimento ba Jornalista Radio Comunidade Lian Matebian Baucau wainhira remata prizide misa kuarta feira sinjas iha igreija Santo Anonio Dioseze Baucau hateten hanesan sidadaun la gosta pandemia covid-19 maibé realidade tinan ida ona seidauk para to’o agora hetok aumenta ba bei beik iha mundu inklui nasaun Timor Leste tamba ne’e,nia husu ba sidadaun hotu nia kolaborasaun kupri regras ne’ebé Ministériu Saúde no Organizsaun Mundiál Saúde atu reduz risku covid-19 iha Timor Leste.

Nia afirma sidadaun ida la moris mesak maibé dala balun sira halo fali egoista la kumpri regras husi ministériu saúde no Organizasaun Mundial Saúde bele hadaet Covid-19 ba família no ema barak.

“ema balun egoista katak la hanoin katak moras ne’e bele daet ba ita bele daet ba ema seluk ne’e duni ita ida-idak ho ita nia kolaborasaun ne’e mak it abele hatun mos risku moras ida nee nian ,neduni se auto riedade sira organizasaun saúde mundial fo kriteria ou orientasaun ba ita atu tuir ne’e ita tenke hakas an atu halo tuir tamba ita la’os hanoin deit ita nia an maibé hanoin mós ema seluk”dehan Amu Bispo

Alende halo prevensaun covid-19 liu husi regras sira hanesan uza maskra lao iha fatin públiku fase liman bei beik no seluk tan,bispu dioseze baucau, husu ba sarani reza makas liu husi orasaun ba Maromak nia liman atu nune’e virus ne’e bele lakon iha mundu.

“se ita la bele halo tan buat ida mak tempu ida ne’e ita tenke reza makas liu husi orasaun ne’ebe ita husu ba Maromak atu Maromak atu nune’e buat ne’ebe ita la bele halo ona ne’e ita tau iha Maromak nia liman hodi bele halakon moras ida ne’e”

Enkuantu tuir observsaun jornalista iha misa quarta feira sinjas Iha Igreija Paroquia Santo Antonio Dioseze Baucau nota katak ,parte igreija orienta sarani sira uza maskra wainhira tama iha igreija laran no kada kadeira ida ema na’in hat mak bele tur hodi halo distasiamentu sosiál.

Jornalista : Abrão Freitas

Editór : Agus Guterres

Comment