by

Sosiedade Sivil Baucau, Sujere Governu tenke kumpri Promesa programa sesta bazika ba Komunidade


Sosiedade Sivil Baucau sujere ba oitavu governu, Tenke kumpri promesa programa sesta bazika ne’ebé parlamentu aprova kada ema ida sei hetan dolar amerikanu rua nolu resin lima(25) ba fulan rua hodi rekopera ekonómia uma laran relasiona ho pandemia covid-19 ne’ebé afeta mundu inklui nasaun Timor Leste.

Direktor Sosiedade Sivil Baucau Augosto Pires ba Jornalista Radio Comunidade Lian Matebian Baucau segunda feira ne’e hateten,populasaun akompaina husi média parlamentu nasionál aprova kada ema ida sei hetan produtu lokál ho folin dolar amerikanu lima nolu ba fulan rua nian maibé observasaun sosiedade sivil nian realidade hatudu iha aldeia caisidu hahan ne’ebé kompaňia atu fahe ba komunidade la to’o promesa ne’ebé iha.

Augusto afirma total sasan ne’ebe komunidade sira atu simu ba fulan rua la to’o dolar lima nolu maibe to’o iha deit dolares amerikanu rua nolu resin hat virgula rua nolu resin lima centavus.

“tuir observasaun sosiedade sivil nian iha Caisidu total sasan ne’ebé komunidade sira atu simu ne’e ho valor rua nolu resin hat virgula rua nolu resin lima sentavus entaun fal sei rua nolu resin lima virgule hitu nolu resin lima sentavus enatun maluk kompaňia no governu hanoin katak ita nia komunidade sei beik hanesan tinan atus liu ba maske nia beik maibe nia kakutak ne’e la’o tamba sira moris iha era demokrasia hakarak atu koko hadia nia an,entaun komunidade sira mos kestiona dehan ami nia osan restu ne’e iha ne’ebé se sasan rua nolu resin hat virgula rua nolu resin lima sentavus ba fulan ida nia ami simu maibe ba fulan rua nia ami sei la simu tamba ami rona husi media mos fo sai paramentu mos deside”dehan Augosto .

Nia hatutan osan ne’ebé parlamentu aprova dolar lima nolu tenke to’o iha komunidade maibé la mensiona osan refere aloka mós ba operasionál nian,tuir nia wainhira governu ho kompaňia la kumpri sira nia promesa komunidade sei lakon konfiasa ba governu.

“iha momentu ne’e kedas advokasia ne’ebe hau sosidade sivil halo kontaktu kedas prezidente autóridade munisipiu baucau senor Olivio no PDHJ ninian,orientasaun husi prezidente baucau mak dehan dolar lima nolu mak sira nia direitu mais dolar rua nolu resin hat virgule rua nolu resin lima ne’e depende fali ba fila ba komunidade sira hakarak simu simu la kohi simu la bele obriga ne’ebe iha momentu ne’e kedas komunidade sira abandona kedas fatin ne’ebe atu simu sasan, ne’ebe kuandu problema hanesan ne’e akontese bei beik ita nia komunidade sei lakona nia direitu ne’ebe nia hetan tamba osan ne’e mai husi orsamentu jeral do estadu I OJE ne’e husi mina timor povu tomak nian”Augosto hatutan.

Entertantu sosiedade sivil husu ba governu wainhira fo tender ba kompaňia tenke kria kondisaun atu nune’e kompaňia uza sira nia direitu tuir kondisaun govenu prepara ona no la bele uza fali direitu povu nian.
Jornalista:Calistro/Abrão

Editór : Agus Guterres

Comment