by

Fundasaun KAILALO fó kursu Gratuita ba foin sa’e sira


Fundasun Kailalo Baucau fó Kursu lian ingles Portugues no komputador gratuita ba foin sae sira iha munisípiu baucau ho intensaun atu hasae sira nia konesementu,alende atu reduz konflitu iha komunidade nia let.

Direktor Fundasaun Kailalo Augosto Pires ba Jornalista Radio Comunidade Lian Matebian Baucau Segunda Feira ne’e iha nia kna’ar fatin hateten Fundasaun kailalo ho inisiativa loke kursu tambá joven barak mak iha vontade atu aprende lian hirak ne’e maibé la iha sentru ida ne’ebe gratuita ba sira tambá ne’e fundasaun refere fó kursu gratuita ba foin sa’e sira hodi bele haklean sira nia konesementu ba programa tolu ne’ebé mak iha.

Nia afirma ba lian ingles faze dahuluk estudantes hamutuk sanolu resin tolu maibé balun la kontinua dadaun ne’e estudante na’in neen mak kontinua no sei halo graduasaun iha fulan marco tinan ne’e.

“Ita hare sidade ne’e primeiru ita nia joven sira ne’e balun hakarak iha vontade sira hakarak koalia english maibé fatin atu hetan kursu ne’e susar uituan , los iha maibé tamba buat ne’e selu situasaun krize ida hanesan ne’e entaun sira buka ida gratuita ne’e e segundo ita hare english ne’e ne’e dehan mendunia, agora mundu kuaze hotu-hotu uza english atu ekonomia ka atu saude ka saida deit ne’e english ne’e mundialmente ne’ebé ema hotu uza entaun ami loke para kapasita sira nia konsementu para aban bainruan loron ruma ka sira atu ba fatin ruma karik la difikulta ho sira nia komunikasaun ho ema seluk” dehan Augosto

Nia hatutan fulan ne’e loke ona kursu komputador maibé sei hetan difikuldade hanesan menus komputador maibé fundasaun refere nafatin halo esforsu hodi hadia komputador hirak ne’ebé at ona hodi faslita estudantes sira.

“aleinde ida ne’e ami mós iha fulan ida ne‘e loke tiha ona kursu ba komputador soke ami nia komputador limitadu tebe-tebes uluk ami iha komputador rua dulu ba treinamentu komputador maibé depois tamba la iha fatin ba gestaun sira nia rai deit iha gudan entaun ida ne’e at hotu fruzu hotu estraga hotu e husi komputador rua nulu ne’e maka sira tékniku sira ETI sira sobu tun sobu sae hau dehan sobu para monta fali ida ka rua tolu hat maka diak entaun ida ne’e maka hodi loke kursu ne’ebé husi komputador rua nulu ne’e ami konsege hetan fali rekupera fali komputador hat e fula ida ne’e nia laran loron hirak liu ba sexta feira hahu kursu komputador mos iha fatin ida ne’e”

Direktor sublina ba futuru,kursu ne’e kontinua la’o maibé kondisaun la’o hanesan agora fo gratuita maibé wainhira kondisaun ekonomia la’o diak ona estudantes sei selu atu nune’e osan sira ne’e bele faselita fali ba formadores sira bele uza ba nesesidade loro loron”
Jornalista:Abrão /Calistro

Editór : Agus Guterres

Comment