by

Durante Fulan 1 ho balun, Uma Paz Baucau atende Kazu Violensia Doméstika 15


Durante fulan ida ho balun hahu husi fulan janeiru to’o fulan fevereiru tinan rihun rua rua nolu resin ida uma paz (Uma mahon) baucau atende kazu violensia domestika hamutuk sanolu resin lima ne’ebe mak vitima maioria hosi inan sira.

Direktor Ezekutivu Uma Paz Baucau Felizmina Belo ba Jornalista Radio Comunidade Lian Matebian Baucau segunda feira ne’e hateten husi kazu sanolu resin lima ne’e kompostu mai husi violensia dometika, violensia sexual,inklui kazu inxestu ne’ebé mai husi munisípiu hat hanesan Lautem,Viqueque,Manatutu no baucau.
Nia afirma uma paz baucau servisu hamutuk ho parseiru sira hanesan alfela ,ECM hodi halo monitorizasaun ba kazu hirak ne’e hodi kontinua prosesu iha Tribunál.

“Iha janeiru no fevreiru total nain haat ne’ebe mak ami iha ne’e totál kliente ne’ebé ami simu iha uma mahon hamutuk 15 inklui familia,familia ne’ebé mak lori mai iha uma mahon no sempre iha tanba se nia inan ida sempre lori ho nia oan sira ne’ebé menor idade ka sei presija inan lori hotu mai iha fatin ida ne’e atu bele fó protesaun ba nia oan sira hotu prossesu tuir mai ami servisu ho prioridade ho paralegal sira liuliu iha Baucau ami servisu ho ECM no Alfela atu bele monitorin lalais kazu ne’e atu nune’e alkansa lalais kaju ne’e atu bele ba tribunal ida ne’e mak ami nia servisu.Nia hatutan kliente sira ne’ebé mai ho kondisaun garave hanesan difisente mentál uma paz baucau servisu hamutuk ho profisionál saúde mental sira atu nune fo asistensia ba nia saúde, alende ne’e uma paz mos fó natin kapasitasaun ba kliente foun sira iha ospitál no ministériu públiku atu nue’e prosesu kazu ne’e ho lalais.

“Bainhira sira mai ho kondisaun grave ida ami mos servisu iha ospital ba sira ne’ebe Mak karik iha mental iha difisiente mental ami mos servisu makas ho saude mental atu nune’e bele apoio sira ba rekuperasaun”

Enkuantu ba futuru uma paz baucau nafatin asegura feto no la barik ne’ebé mak hetan violensia wainhira kliente sira hato’o informasaun ba sira.
Jornalista:Abrão /Calistro

Editó : Agus Guterres

Comment