by

Aldeia Makadai hosi Suku Bahu Sai Trajeitu Dahuluk ,atu halo Uma 3 ba Kbi’it Laek.


Relasiona ho Planu Oitavu Governu nian atu hari’I uma ba kbi’it laek iha timor leste,ekipa husi Programa Nasionál Dezenvolvimentu Suku (PNDS) hamutuk ho Autóridade suku Bahu, hili aldeia Makadai Postu Administraivu Baucau Vila sai tarjeitu hodi halo uma tolu ba ema kbi’it laek ba faze da huluk iha tinan 2021.

Xefe suku Bahu Manuel Fransisco Rodriges Gusmão, ba Jornalista Radio Comunidade Lian Matebian Baucau quinta feira ne’e hateten,iha faze dahuluk autóridade hamutuk ho ekipa Programa Nasionál Dezenvolvimentu Suku (PNDS) Nasionál halo estrutura ida, atu tuna ba baze foti dadus no halo verfikasaun no elaborasaun ba ema kbi’it laek tuir formatu husi PNDS Nasional iha suku Bahu tambs aldeia makadai mak sai tarejeitu hodi hari’i uluk uma ba kbi’it laek.

Nia afirma wainhira elabora hotu dadus sira autoridade suku kontinua halo sensibiliza ba ema kbit laek sira ne’ebé naran iha ona lista atu oinsa ekipa rekola dadus ho trasparansia hodi la bele hamosu problema.

“Notifikasaun mai husi nasionál bazeia ba sistema randong,sistema randong nia haruka mai rekomenda katak aldeia lima iha suku bahu nene tarjeitu ba aldeia alvu mak aldeia makadai entaun ami konvoka mak bolu komunidade makadai liu husi nia xefe aldeia,xefe aldeia sira mai para oinsa ita atu bele halo verifikasaun tamba dadus hirak ne’e xefe suku sei latun direitamente ba baze hodi foti dadus maibe bazeia ba rekomendasaun no votus ne’ebe durante ne’e komunidade sira entrega hela ba xefe aldeia no xefe aldeia mak tun direitamente tun ba baze hodi halo verifikasaun tamba nia mak loro-loron hamutuk ho komunidade sira”Dehan Manuel

Xefe suku bahu hatutan uma kbi’it laek tolu kada aldeia ida ne’ebé governu planeia ona sei bazeia ba karta sirkular no master plan husi PNDS no kria tan kotasaun inklui BOQ hodi halo negosiu ba loja sira ne’ebé fan material konstrusaun uma nian, tuir nia prosesu suku lima nolu resin sia iha munisípiu baucau.

“prosesu sira iha suku lima nulu resin sia iha munisípiu baucau ne’e hotu submete ona ba iha PNDS nasional orsida fila fali ba iha parte fiziku ninian depende fila fali badaen ho komunidade sira ne’ebé mak halo serciu ne’e, maibe tarjeitu iha uma ne’e nia remata ne’e tenke finalidade ne‘e iha 2021 ne’e nia laran,no setembro labele to’o iha udan ne’e nia tempo,hakarak ka lakohi ita tenke lalais tarjeitu uma ida ne’e ita tenke halo uma ne’e fulan tolu”

Nia arguementa nia parte seidauk bele hatene osan hirak mak atu utiliza hodi halo uma tolu iha aldeia makadai maibé sei bazeia ba dezenu BOQ husi enjineiru PNDS no sei tun ba iha baze hodi hare’e fatin ne’ebé sei kontrui uma tolu refere tambá uma tolu ne’e sei iha tipu rua.

“ ita hare fila fali ninia poiu ne’e tanba iha karta serkular ita presija buat ida poio ne’e, Entaun master planu ne’e orsida ita halo dezenu ou BOQ hahu husi nia fundasaun uma ne’e ninia leten sori-sorin gastu hira hira, entaun ida ne‘e orsida ita liu fali husi engineiru sira PNDS sira halo poiu ne’e mai ha’u aprova tun direitamente ba sira tekniku apoiu ba konstrusaun ninia ne‘e sira PNDS, ne’ebe sira PNDS orsida mai ne’e ami tun diretamente tun ba iha ne’eba para ita atu halo oinsa ne’e mak ita halo nia gastu ba uma,tanba uma ne’e iha tipu rua,wainhira kuartu tolu kona 17 mil ida 14 mil entaun tipu rua ne’e mak orsida ita hare husi nia tipu ne’e hare husi tarjeitu ne’ebé maka ho kondisaun ne’ebe maka ema ne’ebe hetan”

Lideransa suku bahu husu ba populasaun kbi’it laek husi aldeia hat ne’ebé seidauk hetan uma ba kbi’it laek hein nafatin planu governu nian iha futuru.
Jornalista Nazario Bento.

Editór :Agus Guterres

Comment