by

Kristaun IEVCTL Komemora loron Aniversariu Ezistensia Igreja Evanjelika vizaun Kristaun Nasionál ba dala 15


Kristaun Igreja Evanjelika Vizaun Kristaun Timor Leste selebra Komemorasaun loron aniversariu Ezistensia Igreja Evanjelika vizaun Kristaun Nasional nian ba dala sanolu resin lima iha Munisípiu Baucau ho Tema “tebes la Kleur tan Hau mai ona’. Amen! Nai Jesus, mai ona ba.” Ne’ebe involve maximu hosi kristaun sira hosi munisípiu hotu iha Timor-Leste, maske relasiona ho kovid -19 ne’ebe dadaun ne’e afeta Nasaun Timor Leste, maibé Munisípiu Baucau konsege sai uma nain selebra komemorasaun aniversariu IEVCTL nian ba dala sanolu resin lima.

Iha selebra komemorasaun aniversariu ne’e,Prezidente Igreja Evanjelika Vizaun Kristaun Timor-Leste Pastor. Elinae Moura ba jornalista sabadu semana ne’e hateten komemorasaun loron aniversariu IEVCTL ne’e Partisipa maximu hosi juventude kristaun Timor Leste frik katuas,labrik sira hosi munisípiu hotu iha Timor Leste ne’ebe juventude rasik realiza hodi agradese ba Maromak ba tinan Igreja Evanjelika Vizaun Kristaun nia ba dala sanolu resin lima ne’ebe hari’I iha tinan rihun rua ne’en to’o agora, hodi aproveita buat furak iha Maromak nia prezensa.


Prezidente ne’e afírma, tinan ne’e foti tema iha apokalipse livru ikus hosi biblia kapítlu rua nolu resin rua versiklu rua nolu ne’ebé hateten “tebes la Kleur tan Hau mai ona’. Amen! Nai Jesus, mai ona ba.” Tamba tinan ne’e mundu hasoru susar relasiona ho pandemia kovid-19 ne’ebe lori problema barak hanesan ekonimia,emosional no sosial.

“Agora dadauk ami halo selebrasaun hodi komemora Igreja Vizaun Kristaun ba dala sanolu resin lima,tinan ne’e ami hili selebra iha munisipiu baucau, joven balun mai hosi munisipiu sira , ami la hanoin loroi ema barak tamba ita nia situasaun, entaun joven sira mak organiza, balun mai mas la mai ho maximu, so ita mai halo selebrasaun agradese ba maromak ba tinan sanolu resin lima ne’ebe igreja vizaun kristaun eziste iha timor leste hahu rihun rua ne’en,buat furak ita aproveita iha maromak nia prezensa ,entaun ohin maromak fo bensa ba ita entaun ita selebra duni,tema ida ne’e ba tinan ida ne’e ami foti hosi apokalipse wahyu livru ikus hosi biblia kapitlu rua nolu resun rua versiklu 20 numeru ikus “tebes la Kleur tan Hau mai ona’. Amen! Nai Jesus, mai ona ba.”versiklu ikus hosi biblia e versiklu ne’e iha parte rua, ida premeiru jesus rasik mak koalia hateten “tebes la Kleur tan Hau mai ona’parte segundu kristaun sira hatan . Amen! Nai Jesus, mai ona ba.” Biblia remata ho versiklu ida ne’e, tamba saida ami hili tema ida ne’e, tamba tinan kotuk ho tinan ikus ne’e mundu hasoru situasaun difisil tebes liu-liu ho pandemia kovid-19,pandemia lori problema barak seluk tan lori problema ekonimiko, lori problema emosional no problema sosial, kiak aumenta buat barak mai ho pandemia ne’e” Dehan Pastor.Elnae Mora Prezidente Igreja Vizaun Kristaun Timor-Leste (14/02) Iha Igreza Vizaun Kristaun Baucau.

Prezidente IEVCTL ne’e hatutan relasiona ho tema ne’e,mundu dadaun ne’e hasoru duni situasaun susar hirak ne’e, komesa hanoin hetan Jesus nia lia fuan ne’ebe hateten tempu ikus sei mai tempu susar, bainhira hare susar hirak ne’e akontese preparadu tamba la kleur tan Jesus sei mai ona.

“Entaun mundu tama iha situa saun ne’ebe susar, kuandu ita hare ba mundu nia situsaun ita hanoin ikas,hanoin hetan Jesus ninia lia fuan iha biblia,ne’ebe nia dehan tempu ikus sei mai tempu susar,tempu difisil teb-tebes,bainhira imi hare buat sira ne’e akontese imi preparadu tamba la kleur tam hau mai ona entau ami hili tema ida ne’e, tamba mundu ida ne’e lao daddauk ba nia rohan interesante mos katak ema barak la hatene, ema barak nein mehi kona-ba promesa ida ne’e,Nain Jesus,entaun ita kristaun iha responsabilidade hodi hato’o,hodi fo sai,ba povu sira,susar akontese dadauk iha mundu,ne’e hatudu katak mundu ida ne’e lao dadauk ba rohan,ita persiza prepara tamba la kleur Jesus sei fila fali mai”. Dehan Ps. Elnae.

Iha komemorasaun loron anivesariu IEVCTL ne’e partisipa maximu husi kristaun juventude,ferik kataus,kazais inklui labarik sira husi munisípiu sanolu resin ida mak hanesan, Ainaru, Viqueque, Manatutu, Lautem, Aileu, Dili, Same, Lekisa, Maliana, Suai,Baucau inklui Raeoa Oecuse.

Jornalista : Agus Guterres

Editór : Agus Guterres

Comment