by

PRADET Nasional Realiza Workshop Sobre Moras Mental Ba Juventude Baucau.


PRADET Nasionál liu husi departamentu programa moras mentál servisu hamutuk ho saúde munisípiu realize workhop sobre moras mentál ba juventude na’in tolu nolu iha munisípiu baucau atu promove saude mentál ba foin sa’e sira iha tempu pandemia covid-19 .

Kordenador Programa Moras Mentál husi Pradet nasionál Vicente Ximenes ba jornalista sira hateten objektivu husi Workshop ne’e atu hasa’e koñesementu joventude sira atu nune’e sira bele intende hodi prevene sira an no tulun komunidade sira bele moris dignu no hetan tratamentu saúde ne’ebé dignu.

Nia afirma workshop durante loron rua ko’alia liu kona ba introdusaun saúde mentál prevensaun stigma no deskriminasaun tentative soesidu inklui dezenvolvimentu humanu no sistema referral,tuir nia espera katak partisipantes sira sei habelar informasaun ne’e ba komunidade.

“Intensaun prinsipál materia sira ne’ebé mak ami fahe liu-liu introdusaun kona ba saúde mentál prevensaun no estigma no diskriminasaun tentativa soesidu no mos dezenvolvimentu humanu no mós no sistema referal,liu husi sensibilizasaun sira ne’e ami fiar foin sae sira bele ba iha komunidade sai foti aksaun ida nu’udar hanesan papel joven nian iha komunidade hodi habelar imformasaun no tulun maluk sira ne’ebé mak liu-liu sofre moras mentálˮ

Iha tempu hanesan xefe Departamentu Gestaun Programa servisu saúde Munisípiu Baucau Cristiano Cipriano Belo hateten iha ámbitu estadu emerjensia Moras Covid-19, ema ne’ebé moras mentál la’o iha komunidade nian let halo baruilu no halo komunidade la bele deskansa no sai hanesan dezafiu tambá ne’e paradet nasionál servisu hamutuk ho saúde munisípiu realiza workshop ba komunidade juventude estudante eskola sekundaria no universitdade.

“tambá ita hatene katak estadu emerjensia moras covid-19 ema ne’ebé sofre moras mental ne’e la‘o iha komunidade nia leet halo barullu kalan halo ema ladun deskansa sai hanesan dezafiu entaun ho hanoin ida ne’e mak pradet liu husi servisu munisípal atu halo workshop durante loron rua ne’ebé hahu iha loron 11 fevereiru to’o 12 tinan 2021 ba juventude sira ho hanoin katak wainhira de worshop ne’e hotu juventude iha ona kuiñesimentu no abilidade atu bele tulun no apoiu ba iha família komunidade belun ema sira ne’ebé mak sofre moras mentál”
Entertantu reprezentante Partisipante workshop Maria Esperansa da Costa Belo sente kontente mai partisipa workshop kona ba saúde mentál nian tambá bele iha koñesmentu kona ba moras moras refere no promete sei habelar ba nia maluk juventude sira inklui komunidade.

“Hau senti kontente mai tuir workshop ne’e tambá aumenta hau kapasidade no kuiñesimentu ba moras mentál no liu husi workshop ne’e hau mós bele fahe tutan informasun ne’e ba komunidade sira kona ba liafuan sira ne’ebé mak la diak ba ema seluk”

Treinamentu ne’e hala’o durante loron rua hahu quinta feira to’o sesta feira ho partisipante hamutuk ema na’in tolu nolu kompostu husi juventude suku bahu no tirilolo inklui estudantes eskola sekundaria no universidadade.
Jornalista:Abrão Freitas

Comment