by

Populasaun Aldeia Makadai Suku Bahu Durante Semana Rua Resin La Asesu Ahi Eletrisidade


Populasaun aldeia makadai suku bahu kauze uma kain lima nolu resin ,durante semana rua ho balun ahi eletrisidade mate tambá natureza anin Boot halo kulu tohar hodi rejulta ai-rin eletrisidade tohar halo ahi eletrisidade la bele lakan.

Lia Nain Makadai Sebastião De Carbalho hateten ahi mate hahu husi loro 28 fulan janeiru too agora seidauk lakan fo difikulta ba oan sira iha tempu kalan wainhira estuda.

Nia afirma kestaun ne’e sira informa ona ba servisu EDTL munisípiu Baucau maibé parte EDTL sira seidauk halo manutensaun ba airin eletrisidade ne’ebé mak tohar.

“ami aldeia Makadai umakain kuaze lima nolu resin kuaze seman rua resin ami la asesu ahi eletresidade tamba anin hu kulu tohar iha leten ami imforma ba autoridade sira no fo hatene ba bombeirus atu mai maibé ami haruka oan sira tesi tiha edtl sira mai hare’e maibe fila tiha deit no ami aluga kareta oan sira ba hasoru edtl dehan kareta la iha se kareta iha karik agora ami tuan maibe kareta la iha segunda mak ami tun maibe segunda ami hein to’o kalan sira la mai to’o ohin loron ,oan sira estuda iha tempu kalan ou profesores fo tugas atu halo iha tempu kalan la diak hotu”dehan Sebastião ba Jornalista sira Sesta feira(12/02) iha aldeia Makadai.

Entertantu peskador Domingus Almeida hateten senti triste tebés tambá ahi mate kuaze semana rua resin ona fo difikulta sasan elektronika no ikan sira ne’ebé mak tau iha jeleira laran kuaze dodok hotu fo impaktu ba rendimentu tun hodi la bele sustenta ba familia uma laran.

“hau hanesan peskador hau sente triste tebes tamba lisitirk la lakan halo es la iha ami nia ikan sira sai dodok hotu ami atu fan iha merkadu baucau mos ema la hola tamba sira dehan ikan dodok, ami dehan ona ba edtl maibe sira promete dehan segunda maibe to’o agora seidauk hadia to’o agora ami nia jelera at hotu es batu naben hotu halo ikan dodok no ami soe hotu deit segunda mak la hadia ami sei hamutuk ba hasoru bupati”Dehan Domingós

Hatan ba preukupasaun ne’e Xefe Departementu Tekiku Edtl Munisípiu Baucau José Pires Pereira rekoñese ahi iha area ne’eba mate duni tambá airin eletrisidade kakorok tohar tambá kulu monu iha leten, too agora sira seidauk asesu ahi eletrisidade tambá kareta boot ne’ebé tula sasan ne’e ba munisípiu lospalos hodi apoio tekniku sira halo manutensaun eletrisidade.

Nia hatutan tuir planu segunda feira semana oin parte EDTL munisípio baucau sei halo manutensaun ba eletrisidade tambá kareta ne’ebé tula sasan todan mai fali ona.

“los duni komunidade iha Watabo tesik mai la asesu ahi eletresidade durante semana rua hahu iha loron rua nolu resin siaakontese natureza anin rezulta kulu tohar insulta ai rina poste ida ninia tensoen ne’ebé atu liga enerjia ba transo la bele lakan,hau halo ona levantamentu ba dirasaun nasionál ami hein kareta gren ne’ebé atu mai foti air in hodi halo manutensaun maibé to’o ohin loron kareta seidauk mai no horseik hau rona informasaun kareta gren ba munisipiu rua no sei iha lospalos ohin to’ o bainrua segunda ami bele ona halo manutensaun tamba despaisu iha ona ninia asesores sira hatun hotu ona iha baucau segunda ami bele hadia ona”dehan José.

Tuir observasaun iha tereinu nota katak da-daun ne’e populasaun uza deit lampurinas no lilin hodi responde ba nesesidade iha tempu kalan nian.


Jornalista Feliciano Venancio

Esitór : Agus Guterres

Comment