by

Komunidade Agrikultor Caisidu,Sei Menus Produsaun Batar Iha Epoka Ne’e


Xefe Suku Tirilolo Ricardo Ernesto Belo ba jornalista sira hateten komunidade agrikultura aldeia kaisidu suku tirilolo moris ho produtu lokal hanesan batar,fore rai, fehuk ai farina maibé ba tinan ne’e produsaun batar komunidade sira nian sei menus tambá impaktu husi pesti lakataru ne’ebé han batar komunidade sira nian kuaze hektares tolu resin.

“Pesti tentatara ne’ebe atake komunidade nia batar sei fo impaktu ba produsaun lokal batar iha tinan ne’e , iha aldeia Caisidu komunidade maioria moris ho agrikultura hanesan kuda batar fore rai ai manas fehuk tomante inklui aniamal sira maibe liu batar ho forerai mak sai prioridade hodi produsaun lokal”dehan Xefe Suku Tirilolo ba Jornalista RCLM Tersa Feira (09/02)iha nia rezidensia Caisidu.

Ricardo agradese ba inisiativa NGO kolega da paz ho inisiativa hola ai moruk hodi kombate pesti lakateu tentara ne’ebé atake populasaun agrikultor sira nia batar iha aldeia kaisidu.
Inisiativa diak tebes priemeira vez sosiedade sivil husi NGO Kolega da paz ami rona informasaun sira mai konsulta ho ami dehan sira sosa ai moruk hodi rega ba pesti ne’ebe mak han komunidade sira nia batar, alende ne’e bele reduz pesti hirak ne’ebe han ona batar”hatutan Ricardo.

Iha sorin seluk responsavel masimu NGO kolega da paz Olga matilda da costa hateten NGO kolega da paz sei kontinua kolabora ho rede GAS Baucau no MAP liu husi servisu agrikultura munisipiu baucau ho nia departamentu sira prepara ai moruk hodi hein pedidu ruma husi komunidade agrikultor sira ne’ebe hakarak atu rega pesti ne’ebe atake batar.

“ami halo kolaborasaun ho GAS baucau no halo kolobarasaun mos husi servisu agrikultur munisipiu baucau hodi sosa ai moruk hodi hein nafatin komun idade hirak ne’ebé mak nafatin hetan problema hanesan pesti tentara ne’ebe han batar ami pronto atu rega ba sira nia batar”dehan Olga

NGO kolega da paz akompaiña ho Rede Gas Munisipiu Baucau no Servisu Agrikultura Munisípiu Baucau liu husi departamentu produsaun alimentar tersa feira semana ne’e hahu rega ai moruk bassa ho durs ban ba batar ne’ebé pesti lakataru tentara atake iha Aldeia Caisidu Suku Tirilolo postu Administrativu Baucau Vila.

Jornalista : Agus Guterrs no Abrão Freitas

Editór : Agus Guterres

Comment