by

Ai Rin Eletrisidade Rua Halis FóAmeasa ba Komunidade Sira Iha Caisido


Ai rin eletrisidade rua halis iha Aldeia Caisido Suku Tirilolo Postu Administrative Baucau Villa Munisipiu Baucau hodi fo ameasa ba komunidade sira iha area refere.

Kestaun ne’e hato’o husi Represenetante Komunidade Aldeia Kaisidu Jose Ximenes Belo Tersa-Feira ne’e ba jornalista Radio Comunidade Lian Matebian Baucau hateten,senti tauk ho airin eletrisidade rua ne’ebé halis, fo ameasa tebes ba komunidade iha area ne’e liu-liu labarik ki’ik tamba airin rua ne’e halis kleur ona.

Nia afirma,husu ba parte EDTL hodi hare’e imediatamente ba airin eletrisidade ne’e, tamba tuir nia iha tempu besik bele afeita ba uma komunidde sira ne’ebé besik

“Airin eletrisidade halis ne’e xefe suku imforma kedas ba administrador postu nian no EDTL sira tesik iha ne’e hanesan sira hare’e hela deit arin ne’e ami tauk tamba derpenti mak labarik sira halimar lao tesik iha Estrada ne’eba no ba bee matan ruma no hotu la espera derpenti airin ne’e monu tun konaba labarik sira ou uma sira ne’ebe besik tamba halis kleur tiha ona iha tinan 2020 liu ba tamba ne’e hau husu ba EDTL tenki tenki atende lalais buat ne’e hodi labele fo impaktu ba komunidade sira” Dehan Represenetante

Komunidade Aldeia Kaisidu Jose Ximenes Belo ba jornalista RCLM Baucau,( Tersa-Feira, 09/02/21).
Entertantu Xefe Suku Tirilolo Ernesto Ricardo Belo rekuiñese,airin eletrisidade rua ne’ebé halis iha aldeia Caisidu ne’e kleur ona,enkuantu nia parte fó ona imformasaun ba parte EDTL maibé EDTL seidauk halo rehablitasaun to’o agora.

“Airin halis ne’e kala liu fulan lima ka fulan neen tiha ona maibe ida ne’e ami fo imformasaun kedas ba parte EDTL sira mai hare’e hela deit mai ikus-ikus nafatin hanesan ne’e I hau preokupa tebes tamba ida ne’e fo risku ba komunidade sira tamba ita foin hare’e besik hela bee matan galae e komunidade barak mak kuru bee bainhira tohar bele iha dezastre,hau bainhira hare’e kuandu halis ho halis ne’e hau telfone kedas ba parte EDTL I no mos administrador postu sira dehan mai hare’e mais I depois sira mai hare’e tiha agora sira husik deit hanesan ne’e” Dehan Xefe Suku Tirilolo Ernesto Ricardo Belo.

To’o notisia ne’e hatun jornalista sira seidauk halo komfirmasaun ba parte servisu EDTL munisipiu baucau.

Jornalista :Agus Guterres no Abrão Freitas

Editór ; Agus Guterres

Comment