by

Vítima Insendiu Merkadu Vila Nova husu PAM Baucau atu klarifika Pedidu ne’ebe sira hatama ona iha administrasaun Munisipiu Baucau


Vítima insendiu Merkadu Vila Nova Baucau iha tinan rihun rua sanolu resin ualu hamutuk na’in tolu nolu resin rua inklui xefe merkadu segunda feira ne’e hasoru malu ho Prezidente Autóridade atual Munisípiu Baucau kona-ba pedidu ne’ebe sira hato’o ona ba Prezidente Autóridade sesante iha tinan rihun rua sanolu reain ualu atu klarifika ba sira tamba to’o ohin loron seidauk iha resposta.

Lia hirak ne’e hato’o husi Xefe Merkadu Vila Nova Domingos Rodrigues de Fatima hateten razaun hasoru malu ho prezidente autóridade munisípiu baucau ne’e atu klarifika insendiu ne’ebé akontese iha merkadu vila nova ne’ebé to’o agora seidauk iha informasaun husi prezidente autóridade sesante kona ba pedidu ne’ebé sira hato’o.

Nia afirma wainhira akontese insediu ne’e xefe merkadu no vítima balun halo kedas karta pedidu mai prezidente autóridade munisípiu sesante maibé la iha fatin no kontinua hato’o karta pedidiu tahan ida ba servsiu sentru solidariedade munisípiu baucau no tahan ida ba nasionál.

“ vitima sira nunka ajuda no to’o agora la iha rejultadu tamba ne’e mak ohin ami mai iha ne’e atu fó hatene ba prezidente autóridade halo oinsa par abele rezolve vitima sira nia pedidu ne’ebe hato’o ona,se nune’e nafatin ami sei la’o to’o iha parlamentu nasionál atu nune’e la bele hanehan povu tenke hare sira hanesan”dehan Domingos ba Jornalista RCLM Segunda-Feira(08/02/2021) iha edifisiu Administrasaun Munisipal Baucau.

Vitima Marquita da Silva Fernandes ho mataben sente triste tambá tinan tolu ona governu seidauk resolve sira nia problema insendiu ne’ebé akontese iha merkadu vila nova baucau maske simu ona apoiu emerjensia husi sentru solidariedade social baucau ,enkuantu vitima hirak ne’e hasai nian osan rasik no dadaun ne’e hari’I hikas Baraka hodi fa’an sasan .

“iha tempu neba ami halo pedidu no bolu xefe merkadu asina no entrega ba sosial nian ami hetan fos saku ida ho tan sasan kikoan no iha momentu neba prezidente autóridade tuan ne’e mos fo liafuan mai ami katak buat ne’ebe mak liu ne’e liu ona na’in hira ne’ebe hetan problema ai han uma ami hato’o ona ba social mak imi hetan ona rejultadu oituan la iha buat ida agora hau tenke hato’o tan imi nia problema ba iha nasionál”dehan Marquita

Hatan ba prekupasaun Xefe Merkadu no vitima sira, Prezidente Autóridade Munisípiu Baucau Olivio Freitas hateten,sei buka hatene relatoriu relasiona ho insendiu merkadu ba xefe departamentu relevante hafoin halo planu hodi hare’e ba kestaun hirak ne’e tambá antes ne’e nia parte seidauk asumi kargu prezidente autóridade no to’o agora mós nia seidauk iha relatoriu ruma iha nia liman,nune’e nia parte seidauk bele fo resposta klaru ba vítima sira nia prekupasaun.

“ai han ne’e hau seidauk prezidente to’o agora mos hau seidauk hare’e proposta ruma uluk mai prezidete sesante husi k hela dokumentu ruma hau seidauk hare’e ne’ebe hau la bele halo komentariu barak ba ida ne’e tamba hau seidauk hetan relatoriu ruma, karik xefe departamentu ruma hato’o relatoriu ruma mai para prezidente munisipiu halo estuda hodi fo desizaun,ou nune’e dokumentus hirak ne’e iha prezidente sesante seidauk entrega ba hau karik iha komu ita bo’ot sira husu kona hau sei bolu sekretaria tamba nia uluk kedas sekretaria dokumentus hirak ne’e sei iha ga lae no hau mos sei bolu sira ne’ebe toma konta ba merkadu dokumentus ne’e iha ga lae se dokumentus ne’e iha sira prosesa ga lae se hau husu sira mak iha depois hau buka solusaun saida mak hau bele fo”dehan PAM Baucau.

Enkuantu iha akontesementu insindiu iha tinan rihun ru sanolu resin ualu ahi konsege han Baraka vitima sira nian hamutuk tolu nolu resin rua no la iha sasan ruma hetan salva.

Jornalista : Agus Guterres/Abrão Freitas

Editór : Agus Guterres

Comment