by

SMS Baucau Realiza Enkontru ho Pessoal sira husi Sentru Saúde Sia


Servisu Munisípal Saúde Baucau realiza enkontru ho pessoal saúde sira husi Sentru saúde sia iha munisipiu baucau,ho objetivu oinsa atu simu orientasaun kona-ba mobilizasaun komunidade ba prevensaun Covid-19 iha aldeia atus rua walu nulu resin ida.

Lia hirak ne’e hato’o husi Director Servisu Municipal Saude Leonel Guterres ba jornalista sira kinta feira ne’e hateten,servisu munisípal saude liu husi departamentu promosaun saúde realiza formasaun ba pessoal saúde sira,kona ba oinsa atu pessoal saúde sira kontinua halo promosaun saúde ba prevensaun Covid-19 ba komunidade sira iha baze.

Nia afirma,tamba durante ne’e komunidade iha area rural barak mak seidauk hatene klean kona ba oinsa halo prevensaun ba Covid-19,enkuantu tamba dadaun ne’e mos iha imformasaun barak ne’ebé públika iha media sosial halo komunidade senti pániku.

“Servisu municipal saude baucau liu departamentu promosaun de saude halo hela aktividade bolu pillar doin ninian liu-liu ba promosaun saude ne’ebe mak pillar dois ne’ebe koalia kona ba risku komunikasaun ba covid-19 ninian ne’e ohin halo hela apresentasaun ida atu pessoal saude hotu-hotu ne’ebe koalia kona ba area covid-19 ninian aumenta tan vasina ba covid-19 ninian se karik sei presizamente pessoal saude sira imteira uluk saida mak sira atu koalia ba komunidade sira I komunidade hotu-hotu iha direitu atu hetan imformasaun klaru kona ba covid-19 ninian” Dehan Director Servisu Municipal Saude Leonel Guterres ba jornalista sira,(Kinta,04/02/21).

Nia hatutan,ekipa pessoal saude sira ne’ebe tuir enkontru,dadaun ne’e praparadu ona tun ba baze hodi fahe imformasaun ba komunidade sira kona ba prevensaun covid-19 inklui moras sira seluk ne’ebé mak durante ne’e afeita ba komunidade sira

“Ita nia ekipa ne’e preparadu atu bele ba passa imformasaun ba area covid-19 nian,area kazu dengue ninian,programa saida deit inklui grupu suporta inan para atu reforsa inan sira ne’ebe idade produtivu para atu simu imformasaun tamba aktividade halo promosaun ne’e durante fulan tolu” haktuir nia.

Aleinde ne’e Xefe Departamentu Promosaun Edukasaun Saúde Ministeriu, Saude Nasional Meskiza Vital hateten,enkontru ne’e importante tebes ba pessoal saúde sira hodi fó orientasaun atu nune’e pessoal saúde sira tun ba baze hodi habelar no sosializa imformasaun ho los ba komunidade sira kona ba covid-19.

“Hau hanoin objetivu enkontru ba loron ohin ita hakarak atu fo orientasaun uluk ba ita nia pessoal saude sira liu-liu sira ne’ebe kek responsavel ba iha programa promosaun edukasuan saude tamba ita hatene sira nia papel ne’e importante tebe-tebes tamba sira mak tenki habelar imformasaun sira mak tenki sosializa imformasaun no sira mak tenki eduka ita nia komunidade sira”Dehan Xefe

Departamentu Promosaun Edukasaun Saúde Ministeriu, Saude Nasional Meskiza Vital.
Entertantu Partisipante husi Sentru Saúde Ossokeli Doutora Isabel da Costa Magalães hateten,liu husi formasaun ne’e nia parte prontu hodi tun ba baze atu fahe imformasaun ba komunidade sira kona-ba oinsa atu halo prevensaun ba covid-19 nian.

“Ohin enkontru ida ne’ebe ita tuir ne’e importante no ita hotu pronto atu ita fahe imformasaun ba ita nia komunidade sira atu bele rekuinese diakliu tan kona ba covid-19 nian hodi nune’e ita nia komunidade sira hodi bele prevene an husi moras ne’e atu nune’e labele akontese iha ita nia komunidde nia leet maske ita hotu hatene katak agora dadaun ne’e moras covid-19 ne’e seidauk akontese iha ita nia aldeia maibe ne’e transmisaun ne’ebe mak mai husi ita nia maluk sira seluk” Dehan Partisipante husi Sentru Saúde Ossokeli Doutora Isabel da Costa Magalães.

Iha enkontru orientasaun ne’e director servisu municipal saude halo kolokasaun mediku nain sia area dentista no analista ba sentru saude sira iha munisipiu baucau.

Jornalista : Agus Guterres no Calistro Pereira

Editór : Agus Guterres

Comment