by

Ahi Eletrisidade hahu Lakan Fali Iha Postu Baguia


Xefe Suco Alaua Leten Zeferino Joaquim Ximenes, ba Jornalista Radio Comunidade Lian Matebean Baucau sesta feira ne’e hateten, iha semana kotuk udan no anin boot halo airin eletrisidade tolu tohar inklui ai tohar iha fiu eletrisidade nia leten hodi difikulta populasaun sira la bele asesu ahi eletrisidade.

Zeferino afirma, hafoin ekipa EDTL halo manutensaun loron ida populasaun husi suco Ualu asesu fali ahi eletridade ho normal.

“Ne’e anin boot ,depois nia rin rua,tolu mak konta dehan estraga hotu halo manutensaun loron ida, depois ahi komesa lakan hotu sucu sanolu ne’e lakon hotu ona se la sala iha dia vinti nove to’o trinta hanesan ne’e nia lakan ona” Dehan Xefe Suco Alaua Leten Zeferino Joaquim Ximenes, baJornalista Radio Comunidade Lian Matebean Baucau, (Sesta feira,05/02/21).

Aleinde ne’e, autoridade Suco Alaua Leten nu’udar reprejentante komunidade, kontinua preokupa ba Estrada públiku diresaun husi Laga ba Baguia, tamba dalan hanesan mota hodi fó ameasa ba movimentu transporte públiku no privadu atu viajem ba mai.

“Asuntu seluk mak rai, tamba ita nia guverno mos lao hela hanesan neh, entaun lolos neh asuntu ida preoridade mak Estrada ,tanba ita hare ba laos Estrada maibe hanesan mota, Ita nia guverno neh nia planu diak e tinan ida neh bele hadia kadoras, postu baguia liu liu ba suku sanulu inklui mos parte postu watukarbau ninian, tamba dalan atu ba sira nia fatin liu husi area baguia hotu“Nia realsa.

Nia parte husu ba oitavo governu kontitusional wainhira orsamentu estadu jeral 2021 mak la’o ona atu aselera hodi hadia lalais dalan diresaun Laga Baguia atu nune’e komunidade sira lori sira nia produtu lokal ba merkadoria.

Jornalista : Abrão Freitas

Editór : Agus Guterres

Comment