by

PAM Baucau Rejeita Deklarasaun Deputadu Marcal “Buka Tuir”


Prezidente Autoridade Munisípio Baucau rejeita deklarasaun Deputadu Bankada Partidu Libertasaun Popular Marcal da Silva “Buka Tuir”,iha plenaria parlamentu nasional ne’ebé hateten,prezidente autoridade municipal baucau ezonera funsionáriu ajente no kazuais nain sia nolu resin neen ne’e, lalos tamba funsionáriu hirak ne’e ninia kontratu servisu remata ona iha loron 31 tinan kotuk.

Prezidente Autoridade Munisípio Baucau Olivio Freitas Bou-Lesa ba Jornalista Radio Comunidade Lian Matebean Baucau kuarta-feira ne’e hateten, wanhira simu posse iha loron 12 fulan janeiru tinan ne’e no iha loron 13 fulan janeiru estabelese gabinete apoiu servisu,hafoin ne’e halo kedas identifikasaun ba funsionaáiu ajente no kazuais detekta sira nia kontratu liu ona tempu.

Nia afirma, iha detektasaun ne’e hatudu funsionáriu nain hitu nolu resin rua la iha termu servisu legal husi komisaun funsaun públiku,enkunatu nain rua nolu resin hat mak prezidente autoridade munisípio prolonga kontratu servisu.

“Hau nu’udar presidente autoridade hau bele husu dokumentus sira ne’e ba diretores diretoras finansas no rekursus humanus nian no ne’ebe tempu uluk kedas iha ne’e I agora mos nu’udar sekretaria ba administrasaun munisipiu baucau husu dokumentu sira sira ne’e I dokumentus sira ne’e balun mai hau ekstende kedas sira nia funsionariu kazuais sira no ajente sira ne’ebe nia dokumentus kompletu hau ekstende hau haruka gabinete rekursus humanus prepara kontratu sei ekstende,primeiru ekstende mak se esktende mak agua no saneamentu nian lolos ne’e ema nain sanulu maibe ida moras ne’be to’o agora latama servisu ne’ebe agora nain sia”Dehan PrezidenteAutoridade Munisíipio Baucau Olivio Freitas Bou-Lesa ba Jornalista RCLM Baucau,(Kuarta,03/02/21).

PAM, ezije ba sekretária ho diretur rekursu humanu atu aprezenta sira nia dokumentus legais atu nune’e bele tetu hodi porolonga ga lae,se la iha dokumentus legais konsidera illegal.

“Ba sira ne’ebe mak dokumentus seidauk mai hau ezije atu sekretaria ho director rekursus humanus atu apresenta dokumentus legais sira ne’e para hau bele tetu no hau bele prolonga ga lae,se la iha dokumentus hau konsidera buat ne’e illegal I sira mos sente katak kontratu ne’e sira assina sei asseita to’o iha fulan hira mak mate sira tenki hatene buat sira ne’e I lolos Sr.distintus deputadus mos tenki hatene buat sira ne’e buat ida bolu kontratu ne’e iha prazu determinadu to’o iha tempu ida ne’e kontratu tenki mate hau la ezoneira ema ida ” Akresenta PAM Baucau.

Tuir planu,Prezidente Autoridade Munisípiu,sei husu pedidu ba komisaun funsaun públiku atu aprova hodi loke vaga ba públiku.

“Hau sei loke fali vaga ba ema hotu mai tuir kuandu ida ne’ebe mak la iha dokumentus hau sei la prolonga sira nia kontratu hau sei halo pedidu ba komisaun funsaun publika,komisaun funsaun publika aprova hau sei loke fali vaga ba ema hotu-hotu atu mai koko nu’udar baucau oan nu’udar sidadaun Timor-Leste bele mai konkore” Nia sublina.

PAM sujere,ba Deputadu Bankada PLP Marcal da Silva “Buka Tuir” wanhira aprezenta kestaun ruma iha Parlamentu Nasional presiza informasaun klaru husi baze.

Jornalista : Feliciano Venamcio Belo

Editór : Agus Guterres

Comment