by

TDB halo hadimentu ba kazu Violasaun Sexsuál agravadu ba arguidu AVN no arguida DA


Tribunál Distritál Baucau Kuarta feira semana ne’e halo audensia hadiamentu ba kazu violasaun sexuál agravadu ba arguidu ho inisiál AVN no arguida ho inisial DA, ne’ebé akontense iha tinan rihun rua sanolu resin hitu iha Munisípiu Baucau Postu Adminitrativu Baucau Vila.

Lia hirak ne’e hato’o husi Defensór Públiku Sidonio Sarmento ba jornalista sira,hafoin sai defensor ba arguidu AVN iha TDB hateten, iha prosesu audensia hadiamentu ne’e la konsege realiza julgamentu ba arguidu tamba ho razaun mina ba trasnporte seluler prizaun Becora nian la iha atu tula arguidu ho inisial AVN hosi prizaun Becora Dili mai tribunál Distritál Baucau.

Nia afirma,iha audensia hadiamentu ne’e, juis hadia prosesu julgamentu ba arguidu no arguida ba fali iha loron ruanolu resin ne’en fulan maiu tinan rihun rua rua nolu resin ida tuku rua lokraik OTL.

“Kazu ne’e la konsege realiza tamba razaun tuir imformasaun ne’ebe ofisiala justisa tribunal nian hato’o iha audensia hadiamentu nia laran ne’e katak husi pizaun fo ona imformasaun mai tribunál katak sira la bele transporta arguidu AVN ne’e mai iha tribunal distrital baucau ho razaun tamba falta de kombustivel ne’ebe sira atu utilize hodi ense ba karreta hodi transportadu arguidu mai iha tribunal distrital baucau para atu tuir audensia juldamentu,tamba ho razaun ida ne’e mak tribunal distrital baucau la konsege audensia julgamentu” Dehan Defensor Publiku Sidonio Sarmentu ba jornalista sira,(Kuarta,03/02/21).

Nia hatutan, kazu violasaun sexsuál agravadu antes ne’e, ministériu públiku akuza ona arguidu AVN no arguida DA ho artigu atus ida hitu nulu resin rua no atus ida hitu nulu resin tolu kodigu penal ho nia moldura penal husi tinan lima to’o tinan rua nolu.

“Ministeriu publiku akuza arguidu nain rua ne’e ba iha artigu 172-173 kodigu penal timor-leste nian no krime ida ne’e nia moldura penal tamba iha agravasaun ne’ebe ho nia moldura penal sinku ate vinte anos” Haktuir Sidonio Sarmentu.

Entertantu, kazu audensia hadiamentu ne’e prezide husi Juis Doutór Jose Scorrial no Ministériu Públiku Doutora Remijia da Silva no arguidu ho inisiál AVN hetan defende husi defensór públiku Doutór Sidonio Sarmento,enkuantu arguida ho inisiál DA hetan defensór husi Doutor António Fernandes.

Jornalista :Agus Guterres & Calistro Pereira

Editór : Agus Giterres

Comment