by

Prezensa CDC iha Suku Buruma, eleva Koñesementu Juventude iha area Ortikultura


Xefe suku Buruma Liborio do Santos Freitas hateten Sente kontente ho prezensa sentru Dezenvolvimentu komunitariu (CDC) tamba fo ona formasaun ba juventude Suku Buruma atu eleva sira nia konesementu iha area ortikultura nian

Xefe suku ne’e hatutan formasaun ne’e faselita husi alumni estudante CDC nian ne’ebe hetan ona formasaun iha area ortikulutra nian durante fulan neen iha CDC hodi kontinua fo formasaun ba juventude sira iha area ortikultura atu nune’e bele hasae konesementu juventude sira nian ho kualidade no sustentabilidade.

“ami suku boruma formasaun ida ne’e importante tebes tambá parte ida ita atu sakumula ita nia joven sira para sira iha aktkvidade agrikulutura nian hodi haklean sira nia konesementu oinsa atu sai aktivista ortikultura ne’ebé ho kualidade tamba durante ne’e ita nia joven sira mesak ativista ba ortikultura hodi kuda tomate,modo no seluk tan maibé sira ho esperensia privadu deit la’os hetan formasaun mak sira halo aktividade ortikultura hirak ne’e ,maibé ho prezensa formasaun ne’e ajuda tebe-tebes ita nia komunidade agrikultura sira”dehan Liborio ba jornalista RCLM Tersa feira (02/02/2021)

Nia hatutan ho formasaun ne’e joven sira bele iha konesementu klean ba area agrikultura oinsa kuda produtu local hodi hasae produsaun rai laran nune’e bele rekopera ekonomia familia iha situasaun estadu emerjensia.

“agora dadaun ita infrenta hela virus corona halo ema hotu prekupa oinsa mak asegura seguransa alimentar hodi nune’e mosu situasaun difisil liu ita nia espetasaun ameasa ba ita nia alimentar entaun ita iha ona preparasaun ba hahan ne’ebe komunidade agrikultura sira kuda”hatutan Liborio

Paritispa iha formasaun ne’e hamutuk ema na’in rua nolu ,formasaun ne’e sei hala’o durante semana rua hahu loron ida to’o loron sanolu resin hat fulan fevreiru tinan ne’e.
Jornalista Feliciano Venancio Belo
Editór : Agus Gutertes

Comment