by

PNDS Hahu Sosializa Hari’i Uma ba Kbi’it Laek iha Suku Bahu


Progarama Nasional Dezenvolvimentu Suku hahu Sosializa ona no halo identifikasaun atu hari’I uma ba ema kbi’it laek iha Aldeia Makadai Suku Bahu Postu Administrativu Baucau Villa ne’ebé tuir dadus husi kbi’it laek ema nain tolu ne’ebé tama ona ba lista identifikasaun no verifikasaun.

Lia hirak ne’e,hato’o husi Diretora Nasional Sekretariadu Tékniku PNDS Claudina Soares Pinto ba jornalista sira tersa feira ne’e hateten,tinan ne’e PNDS sei koloka uluk orsamentu rihun lima nulu resin ida ba implementasaun uma tolu ba ema kbiit laek iha suku bahu aldeia makadai ne’ebé hetan ona aprovasaun husi governu liu husi tékniku PNDS.

Nia afirma,dadaun ne’e aldeia makadai mak sai alvu projetu uma kbi’it laek,enkuantu ba aldeia haat husi suku bahu fazeadamente sei konklui implementa hotu iha tinan rihun rua rua nulu resin lima ne’ebé sei mai.

Suku bahu iha tinan ida nee ita sei koloka osamentu oituan husi sekretariadu nebe maka hetan ona aprovasaun husi governo aloka ba iha sekretariadu tekniku PNDS sei halo konstrusaun ba iha uma kbit laek ba iha teritorio timor laran tomak ba iha uma tolu rata rata tamba ita seidauk hatene los tamba ne’e husi prosesu de verifikasaun mak foin hatene entaun osan ba uma tolu iha suku bahu aldeia makadai ne’e osan hamutuk sikuenta e um mill dollares amerikanu ”Dehan Diretora

Nasional Sekretariadu Tékniku PNDS Claudina Soares Pinto ba jornalista sira,(Tersa,02/02/21).
Diretora Nasional Sekretariadu Tekniku PNDS, hatutan,prosesu halo identifikasaun ne’e parte PNDS uza sistema random hodi hili aldeia macadai sai alvu hodi implementa projeitu uma ba kbi’it laek, maibé atu hili ema nain tolu husi suku makadai ne’e lista tenki mai husi rezultadu enkontru entre komunidade sira,hafoin relata ba autoridade suku liu husi ekipa verifikador sira ne’ebé mai husi suku rasik.

Aldeia alvu ita deside ona ne’e mak ita deside aldeia makadai ne’e liu husi sistema ida ita bolu sisteme random ne’e ita deside deit ba aldeia alvu maibe ba iha ema nain tolu ne’ebe mak atu hetan uma ne’e,ne’e lista mai husi ita nia komunidade sira nia rezultadu enkontru depois entrega xefe aldeia,xefe aldeia mai iha xefe suku sira” Claudina Soares Pinto haktuir.

Aleinde ne’e Preseidente Autoridade Munisipiu Baucau Olivio Freitas Boulesa hateten,louva governu Timor-Leste tamba bele halo planu hari’I uma ba ema kbi’it laek ne’ebé favorese duni hodi reduz kbi’it laek sira ne’ebé durante ne’e la hela iha uma ho kondisaun la favoravel.

Politika ida governu nian ne’ebe halo uma ba ema kbi’it laek ne’e favorese liu uma ne’e ba ema hotu-hotu laos ba baucau deit tamba governu tenta atu reduz maluk sira ne’ebe la iha uma no uma ne’ebe kondisaun la diak bele hasae fali sira nia dignidade nu’udar ema humanu ida hodi moris iha sosiedade nia laran,I tuir hau nia hare’e ne’e importante liu e pozitivu tebes ba povu timor leste principal ba baucau” Dehan Presidente Autoridade Munisipiu Baucau Olivio Freitas Boulesa.

Entertantu Xefe Suku Bahu Manuel Franscisco Rodrigues Gusmão hateten,senti orgullu no apresia planu governu nian, tamba bele fasilita ona ema kbi’it laek sira iha suku refere,enkuantu dadaun ne’e benefisiariu iha suku bahu aldeia makadai ne’ebe atu hetan uma kbiik laek hamutuk nain hitu maibe ekipa sira sei tun ba baze hodi halo identifikasaun ba benefisiariu hirak ne’e.

Sim hau rasik nu’udar lider komunitaria hau orgullu no kontente I apreseia ba planu governu nian ne’ebe mai iha hau nia suku rasik,iha hau nia suku nene agora dadauk ba iha trajeitu aldeia alvu mak aldei makadai maibe ba kada suku ida aldeia uma tolu maibe uma tolu iha suku bahu agora dadauk iha ona lista iha ne’e hamutuk ema nain hitu kandidatura maibe ema nain hitu ne’e ami sei tun direitamente ba fila fali baza para ita sei hare’e se mak iha duni direitu para atu hetan uma ne’e” Dehan Xefe Suku Bahu Manuel Franscisco Rodrigues Gusmão.

Xefe Suku Bahu sublina, komunidade suku bahu aldeia lima maibe dadaun ne’e aldeia makadai mak hetan uma ba kbiit laek nian ne’ebe governu planu ona,enkuantu ba aldeia seluk ne’ebé mak seidauk hetan espera ba futuru sei hetan.

Jornalista : Agus Guterres & Calistro Pereira

Edidór : Agus Guterres

Comment