by

Institutu Ciénsia Saúde Dezamina Informasaun Edukasaun Saúde Ba Komunidade Sira Iha Suco Buruma


Institute Ciénsia Saúde Departementu Parteira hamutuk nain hat nolu resin Lima halo Dezaminasaun edukasaun saúde ba komunidade suku Buruma Bostu Administrativo Baucau Vila Munisípiu Baucau.

Xefe Suku Buruma Liborio dos Santo Freitas ba jornalista Radio Comunidade Lian Matebian Baucau Tersa feira ne’e hateten, objetivo husi sosializasaun ne’e atu fahe informasaun kona-ba edukasaun saúde nune’e komunidade sira nafatin tau importansia ba ida-idak nia saúde hodi hetan moris saudavel.

Nia afirma, Nu’udar Autóridade Suco Buruma agradese ba estudantes institute ciénsia saúde tamba estudantes sira halo ona sosializasaun edukasaun saúde ba komunidade inklui mos ajusta programa Munisipál nian hanesan planu asaun komunidade ba saúde no hijene.

“Parte suku agradese tebes ba ita nia estudantes sira ne tanba agora dadun ita iha municipio baucau ho iha programa ida mak programa municipal nian kona ba implementasaun aplanasaaun neebe comunidade ba saude ne’e gijene neebe mak implementa tinan kotuk maibe sedauk finaliza neebe atu deklara alfa sedauk maibe proses iha sucu bruma ne’e lao nafatin balun finaliza hotu na tamba ne’e mak orseik sira nia presensa mai iha bruma ami agradese tebes ami bele junta ami nia programa” Dehan Xefe Buruma Liborio dos Santo Freitas ba jornalista RCLM-Baucau,(Tersa,02/02/21).

Nia afirma,iha abertura ne’e estudantes sira hala’o kedas aktividade vizita domisiliáriu tama sai uma hodi hala’o sosializasaun kona-ba fasilidade báziku hanesan sintina inklui mós sosializasaun kona-ba saúde higene ba komunidade sira.

“Sira nia aktividade iha primeiro dia iha abertura iha dader sira horseik kontinua kedas ho aktividade tama sai uma ka ema saude dehan visita domisiliario nee atu halo aktividade domisiliário atu hatene ita nia komunidade sira iha uma kain ida kondisaun konaba fasilidade basiku por exemplo;hanesan sintina konaba moris iha higene sira nia ne’e” Nia haktuir.

Aktividade sosializasaun edukasaun saude tama sai uma ne’e durante loron hat nia laran hahu husi loron 31 fulan janeiru no sei remata iha loron hat fulan febreiru tinan ne’e.

Jornalista ;Feliciano Venancio Belo

Editór: Agus Guterres

Comment