by

SMS Baucau Sei Distribui Booklet 11.000 Ba Komunidade Sira


Servisu Munisipál Saúde Baucau liu hosi Departamentu Formasaun Saúde sei distribui booklet ho tema “MATADALAN ATU PREVENE AN HUSI MORAS VIRUS CORONA”,hamutuk rihun sanulu resin ida ba komunidade sira liu husi sentru saúde sia iha Munisípiu Baucau.

Lia hirak ne’e, hato’o husi Xefe Departamentu Formasaun Saúde Munisípiu Baucau Abrão Pinto ba jornalista sira segunda feira ne’e hateten,molok ekipa atu distribui booklet ba komunidade sira, servisu saúde munisipál liu hosi departamentu formasaun saúde sei hala’o formasaun ba komunidade aldeia atus rua walu nulu resin ida(281) husi suku lima nulu resin sia(59) iha munisípiu baucau.

Nia afirma,objetivu husi formasaun ne’e oinsá atu komunidade sira bele asesu imformasaun ho los no kredivel kona-ba surtu covid-19, tamba tuir monitorizasaun ministériu saúde nian ne’ebé durante ne’e hatudu katak komunidade balun seidauk hetan imformasaun ligadu ho surtu covid-19 maske pessoal servisu saúde durante ne’e hala’o mos avizu tama sai postu administrative sira maibe komunidade barak mak seidauk asesu informasaun kona-ba kovid-19

“parte husi promosaun saude muda ninia estratejia tamba durante estadu emerjensia primeiru to’o mai estadu emerjensia dasia parte promosaun saude pronto fahe brosur depois halo avizu perkore de baucau laran no ba postu sira mos halo avizu maibe depois de avizu hotu ekipa husi ministeriu saude halao survey ida to’o iha ne’ebe ita nia mensajem sira ne’ebe mak ita avizu ne’e komunidade sira akompana maibe no fim hatudu rezultadu katak komunidade barak liu mak hatak katak sira asesu imformasuan kona ba covid-19 liu husi telvizaun deit entaun ami konsidera avizu sira ne’ebe mak durante ne’e ami halao iha postu iha munisipiu laran ne’e komunidade dalaruma ladun rona diak ou la akompana” Dehan Xefe Departamentu Formasaun Munisípiu Baucau Abrão Pinto ba jornalista sira,(segunda,01/02/21).

Nia esplika,tempu badak sei hala’o formasaun ho komunidade sira ba iha kada aldeia durante fulan tolu hahu husi janeiru to’o marsu, maske dadaun ne’e tama ona fulan fevereiru maibe parte saude seidauk halo distribuisaun no formasaun relasiona ho mudansa klimatika ne’ebé iha sei difikulta ekipa formasaun atu tun ba baze.

“Agora aktividade ne’ebe mak ita halao ne’e sei halao iha aldeia duzentus oitanta um maibe so ke ita nia tempu mak mai ita ne’e mak fo ita fulan tolu hahu janeiru to’o marsu entaun agora dadauk iha duni difikuldade liu-liu ita hotu akompana mudansa klimatika mudansa klimatika tempu udan hodi difikulta ami atu implementa aktividade ne’e” Abrão haktuir.

Abrão Pinto sublina,aktividade booklet ne’e ba liu komunidadde sira enkuantu ba eskola aktivididade ne’e sei labele realize tamba enkomoda prosesu aprendisajen, maibetuir planu servisu munisipal saúde baucau departamentu formasaun saúde sei halo distribuisaun booklet ba komunidade sira iha semana oin tamba dadaun ne’e sei prepara hela booklet ba kada sentru saúde nian.

Jornalista Agis Guterres Calistro Pereira

Esitór Agus Guterres

Comment