by

Pradet Baucau Joana De Fatima ; atu reduz Violensia Domestika Familia,tenke iha balansu jeneru hodi fahe servisu


Diretora Pradet Baucau Joana de Fatima hateten,kazu violensia domestika kontinua as tamba la iha servisu balansu jeneru iha uma laran hodi hamosu violensia domestika tamba ne’e atu reduz kazu violensia domestika iha familia uma laran tenke iha balansu jeneiru hodi fahe servisu hanesan la bele hare ba serivu feto nian ne’ebe barak liu tenke feto deit mak servisu husi dader to’o kalan.

“atu reduz kazi violensia domestika tenke iha balansu jeneru ne’e iha katak servisu iha uma laran diak liu ita fahe se dehan fali feto nia servisu ne’ebe feto deit mak foti husi dader to’o kalan ne’e susar oituan tamba orsida iha kolen ne’e mak mosu situasaun provokasaun bele hamosu problema violensia domestika iha uma laran tamba ami feton ne’e la’os robot ne’ebe haruka la’o deit maibe oinsa ita nia komprensaun liga ba domestika ne’e ita tenke fahe servisu no nakloke komunikasaun ba malu entre fen no laen no familia sira”Dehan Joana ba Jornalista RCLM (25/01/2021).

Nia afirma iha familia uma laran mak oan barak no la iha balansu servisu no feto deit mak servisu konsekuensia tenke hamosu problema iha uma laran.

“Atu redus ita bele hateten katak tenke iha balansu ne’e,Tenke iha balansu jeneru ne’e iha katak se karik iha familia laran serbisu ita fahe se dehan feto hotu be feto mak tenke halo serbisu feto nian hotu husi dader to’o kalan ne’e problema oituan tamba nee orsida iha kolen ne mak situasuan ne’e mosu provokasaun ne’e mosu ikus konsekuensia tenke mosu problema ne’ebé, dala barak hau dehan hanesan ne’e ita feto laos robot ne’ebé haruka tenke la’o deit maibé oinsa ita nia komprensaun ne’e liga ba buat ida dehan domestika ninian ita fahe wainhira ita kuandu fahe serbisu wainhira ita kuandu nakloke liu husi komunikasaun entre ita feen ho laen tantu familia uma laran proprio se atu redus violensia sira ne’e atu la akontese iha uma laran”hatutan Joana

Diretora argumenta,mosu problema violensia doemstika,tamba balun utiliza sala media sosiál iha publiku liu-liu ba sira ne’ebé forma ona familia tenke ko’alia onestu ba malu no tenke utiliza didiak media sosiál refere

“iha mós kasu balun wainhira nai mosu iha ami nia fatin ami halo atendementu liu husi hasai sira nia informasaun rona sira nia kronolozia historia balun akontese mai husi media sosiál tambá uza sala ita hotu hatene katak media sosiál atu uza asesu informasaun ita hakarak atu hare nutisia maibé dala barak mos ita uza sala situasaun sira ne’e ba tau iha ninan fatin entaun dala barak mós provoka situasaun mosu problema,hau dehan katak parte importante sira atu bele redus situasaun sira ne’e mak hau dehan ita tenki ho nestu tenki loke komunikasaun”Dehan Joana

Nia ekoraja mós feto maluk sira ne’ebé utiliza media sosiál, prevene an hodi uza media sosiál tambá wainhira uza sala ema seluk hetan hodi publika tutan iha media sosiál bele hamosu prblema bo’ot iha família uma laran.

Jornalista :Abrão Freitas

Editór Agus Guterres

Comment