by

Kondisaun Estrada At difikulta Servisu Pessoal Saúde Quelekai


Relasiona ho kondisaun Estrada at sempre difikulta servisu pessoal saúde sira nian iha terrenu,tamba tempu udan hamosu taho iha Estrada hodi halo karreta multifunsaun la bele to’o iha aldeia hodi tula pasiente sira mai iha sentru saúde Quelekai villa.

Kestaun ne’e, hato’o husi Xefe Sentru Saúde Quelekai Domingos Boavida, liu husi via telephone hateten, problema ne’ebé sentru saúde infrenta mak hanesan mudansa iklima husi tempu bailoron ba tempu udan la fó fatin ba karreta atu tula pasiente husi area rural mai fasilidade saúde.

Nia afirma,difikuldade seluk ne’ebé mak durante ne’e sentru saúde infrenta,maske pessoal saúde husi sentru saúde kelekai hala’o ona formasaun saúde ba komunidade sira kona-ba oinsá asesu fasilidade saúde wainhira hetan moras maibé komunidada barak mak kontinua la tau importansia ba imformasaun hirak ne’ e.

“Durante ne’e ita ladun rejulta difikuldade ne’ebe mak seriu liu maibe naton-naton uitan ne’ebe mak iha ida mak iklima,iklima iha ita ba halo aktividade iha lapangan difisil uitan I difikuldade seluk mak komunidade sira ita nafatin halo formasaun maibe ema nafatin iha moras husi uma mak bolu ida ne’e mak durante ne’e sai difikuldade no mos transporte mos sai difikuldade tamba udan ne’ebe moras ruma iha suku no aldeia ne’eba sira bolu dalaruma halo ita difisil atu ba tula tamba Estrada ladiak” Dehan Xefe Sentru Saúde Quelekai Domingos Boavida liu husi via telephone,(Segunda-feira,01/02/21).

Entertantu, moras ne’ebé mak dadaun ne’e domina iha sentru saúde kelekai mak moras Ispa,Tee-Been ou Diareia,no Stomach ho númeru pasiente rejistradu ne’ebé diferente,moras ispa rejistu pasiente hamutuk atus tolu rua nulu resin sia(320),diareia hamutuk hitu nulu resin hitu(77), no stomach hamutuk tolu nulu resin lima(35).

“Moras ne’e bai-bain maibe moras ne’ebe okupa numeru um mak ita bolu moras ispa,moras ispa ne’ebe mai iha fulan janeiru hamutuk tresentus vinte e nove pessoas segundu mak moras teeben ne’e mos iha ne’e hamutuk tujuh puluh tujuh kazus ne’ebe durante ne’e mai konsulta iha sentru saude no moras terseiru mak stomach ne’ebe ami nia lian medis katak gastritis hamutuk ema nain tolu nulu resin lima iha fulan janeiru no moras hirak ne’e barak mai husi pasiente sira ho minoridade liu-liu labarik sira” Nia haktuir

Moras tolu ne’ebé rejista a’as iha sentru saúde kelekai mai husi postu saúde lima mak hanesan postu saúde Afaca,Abafala,Makalaku,Laisorulai no postu saúde Lelalai.
Jornalista :CP and AG

Editór :Agus Guterres

Comment