by

ASSMB Distribui Kaixaun 85 iha Tinan 2020 Ba Kbiit Laek Sira.


Xefi Departamentu Asaun Solidaridade Sosiál Munisípiu Baucau Antonio Alves hateten servisu ne’ebé mak atribui ba departamentu asaun sosiál mak apoiu kaixaun ba ema kbiit laek no apoio kareta funerario tula mate isin no mate ruin ne’ebé kobre ba iha munisípiu baucau.

Xefi departementu afirma tuir planu anuál ba tinan rihun rua rua nolu nian kaixaun hamutuk atus ida mak parte asaun sosiál hetan maibé distribui deit kaixaun hamutuk ualu nolu resin lima ba postu neen iha munisípiu baucau.

“planu anuál iha 2020 kaisaun atus ida maibé ita maibe ita apoiu kaisaun Ualu nolu resin lima ne’ebé ita distribui ona ba familia kbi’it laek iha autoridade munisípiu baucau kompostu husi postu admistrativu neen maibe Baguia la hetan iha Baucau vila mak rua nolu resin rua postu laga rua Kelekai rua nolu resin ida Vemase neen no venilale sanolu resin hat ne’ebe mak ita destribui ona ba familia kbiit laek ne’ebe pedidiu husi autoridade lokál sira”Dehan António ba jornalista RCLM Tersa Feira (26/01/2021)iha nia servisu fatin.

Antonio hatutan kareta funerariu ne’ebé mak tula mate isin no mate ruin hahu husi fulan janeiru to’o fulan dezembru tinan rihun rua rua nolu hamutuk atus rua sia mak trasporta ona ba fatin destinadu.

“Kareta funerariu trasporta mate isin iha óspitál ou uma ba fatin ne’ebe destinadu ba familia matebian ninian hamutuk atus ida ualu nolu resin tolu mate ruin rua nolu resin neen ho nia total hamutuk atus rua sia mak trasporta ba fatin destinadu hanesan baucau mate isin iha atus ida tolu resin Ualu, Munisipiu Vizinus Lautem sanolu resin tolu,Viqueque rua nolu resin ualu, Bobonaru ida,Ermera ida,Liquisa rua no mate ruin hamutuk rua nolu resin rua”hatutan António.

Entertantu orsamentu ne’ebé mak asaun sosiál ezekuta iha tinan rihun rua rua nolu hamutuk rihun tolu nolu resin sia atus tolu hitu nolu resin tolu ne’ebé mak aloka ba AITM hanesan viagen lokál,manutensaun ,kombustivél inklui materiál eskritoriu.

“orsamentu ne’ebé ita ejekuta hamutuk rihun tolu nolu resin sia atus tolu hitu nolu resin tolu vigula sentavu sanolu resin hitu ne’ebe ita fahe ba AITM Ualu no orsamentu ba kaisaun rasik hamutuk dolares amerikanu rihun rua nolu resin sia atus lima lima nolu ba kaisaun kaisaun Ualu nolu resin lima ne’e ”

Kareta funerariu rua ne’ebé amk Ministériu Solidaridade Sosiál no inkluzaun entrega mai iha autóridade munisípiu dau-daun ne’e kondisaun la dun diak ona tambá kuaze besik atu tinan sanolu ona.

Jornalista : Feliciano Venancio Belo

Editór : Agus Guterres

Comment