by

PRADET Baucau Planu Vizita Kliente Sira Iha Fulan Fevereiru Tinan Ne’e


Organizasaun Non Governamental Pradet Baucau iha ona planu hodi halo vizita kliente sira iha fulan fevereiru tina tinan rihun rua rua nulu resin ida,tamba durante ne’e kliente sira ne’e hetan asistensia husi uma pradet baucau no dadaun ne’e iha ona ida-idak nia fatin.

Lia hirak ne’e hato’o husi Diretora Uma Pradet Baucau Joana da Costa,hafoin halao talkshow iha Studio Radio Comunidade Lian Matebian Baucau Segunda Feira ne’e hateten,planu vizita kliente sira ne’e importante, tamba tinan rihun rua rua nulu volume kliente sae maka’as ho nune’e tinan rihun rua rua nulu resin ida uma pradet ho ekipa nafatin halo monitorizasaun no vizita kliente sira.

Nia afirma,dadaun ne’e uma pradet baucau mos iha planu hodi halo rekrutamentu ba staff hodi halo servisu foka liu ba servisu saúde mental nian.

“Iha ami nia planu ida mak kontinua halo monitorizasaun tamba kliente 2020 ne’e sae maka’as entaun iha 2021 ne’e ami tenki ba vizita fali sira iha fulan fevereiru ne’e ami komesa sai ona“ Dehan Diretora Uma Pradet Baucau Joana da Costa hafoin halao talkshow iha Studio RCLM-B, (Segunda-Feira,25/01/21).

Nia hatutan,dadaun ne’e mos uma pradet baucau kontinua halo asistensia ba kliente sira, aleinde ne’e uma pradet baucau liu husi uma entrada,tamba dadaun ne’e uma entrada pradet baucau mos iha kliente nain lima ne’ebé rejistu hela hodi halo atendimentu.

“Ami kontinua fo asistensia ne’e servisu ami nian ida ne’e planu regular ne’ebe tinan-tinan labele failla ami kontinua fo asistensia halo ezaminasaun mediku inklui akonselamentu ba kliente sira ne’ebe mak presiza ami nia apoiu iha fatin hakmatek ne’e kontinua lao,ami nia planu segundu mak kontinua fo asistensia ba maluk sira liu husi uma entrada tamba agora uma entrada eziste hela agora dadauk lao hela ita iha hela kliente nain lima“ Diretora ne’e haktuir.

Diretora ne’e sublina,uma pradet baucau nafatin korajem ba kliente sira aleinde ne’e pradet mos prontu hodi simu no halo atendimentu ba kliente sira iha horas rua nulu resin haat nia laran.

Jornalista : Calistro Pereira

Editór :Agus Guterres

Comment