by

Laho Estraga Batar Populasaun Nian Iha Suco Ostiku Postu Administrativo Vemasse


Xefi Suco Osticu Policarpo da Saliva, hato’o kestaun ne’e ba Jornalista RCLM-Baucau,segunda feira ne,e hateten, laho estraga batar populasaun kuaze hektares lima nolu resin iha Suco Ostiku Postu Administrativo Vemasse Munisipiu Baucau.

Xefi Suco Afirma, tinan ne‘e batar populasaun la fó rezultadu koilleta ne’ebé diak tamba laho estraga hotu, Situasaun ne‘e halo uma kain barak mak sei la hetan produsaun di’ak.

“Laho han batar no toos balun to’o oras ne’e dadaun balun mamuk hotu ona hodi ema labele koilleta tamba laho han hotu ona nia isin no aproveita hotu kedas batar balun ne’ebe mak besik uma tatis ne’e mak sei iha“ Dehan Xefi Suco Osticu Policarpo da Saliva, ba Jornalista Radio Comunidade Lian Matebean Baucau, (segunda-feira,25/01/21).

Policarpu hatutan,agrikultór balun abandona sira nia toos tamba laho han hotu batar isin,aleinde iha mos ular atake komunidade sira batar no fehuk.

“Agora dadaun ne’e toos nain sira laba ona hare’e sira nia toos tamba laho no ular han hotu ona batar sira ne’e“ Nia haktuir.

Hatan ba preokupasaun hirak ne’e Kordenadór Extensionista Postu Administrative Vemase Sebastião dos Santos Belo hateten,imformasaun ne’ebe hato’o husi xefe suku ostiku ne’ebé hateten laho atake batar komunidade, tuir observasaun Kordenador Extensionista Postu Administrative Vemase laho ne’ebé ateke batar komunidade ne’e sei iha kategoria ringan tamba seidauk afeita maioria ba batar hotu ne’ebe komunidade kuda.

“Tuir komunidade sira balun no autoridade sira hateten katak laho ataka batar ou peste sira ne’e memang iha duni maibe ita kategoria ba iha serangan ringan ataka latodan ida seidauk grave ne’e normal akontese“ Dehan Kordenador Extensionista Postu Administrative Vemase Sebastião dos Santos Belo.

Entertantu tinan ida ne’e, sei rezulta povu agrikultures sira infrenta menus ai-han tamba produsaun batar menus inklui fehuk midar.

Jornalista : feliciano Venancio Belo

Editór : Agus Guterres

Comment