by

Komando PNTL Munisípiu Baucau Ezekuta Mandadu Kapturasaun ba Arguidu ho Inisiál EMF Iha Area Fatumaka


Komando Polisia Nasional Timor-Leste Munisípiu Baucau servisu hamutuk ho Polísia Nasional Iventisgasaun Kriminál, ejekuta ona mandadu detensaun husi Tribunál Dili hodi kaptura arguidu ho inisiál EMF iha nia rezidensia area fatumaka suku Gariuai Postu Administrativo Baucau Vila domingu foin lalais ne’e.
Segundu Komadante Polísia Munisípiu Baucau Superintendente Asistente, Jose Casmeiro de Carvalho, ba Jornalista RCLM-Baucau segunda feira ne‘e iha nia kna‘ar fatin hateten, Komandu Polísia munisípiu Baucau,ejekuta mandadu kapturasaun ba arguidu ho inisiál EMF tamba komete krime furtu agravadu,reseptasaun agravadu no asisiasaun kriminoza,ne‘ebé akontese iha tinan kotuk.

“Dia 24 de janeiru entermus horas tuku 4:45 minutus PNTL husi eskuadra baucau villa no mos ekipa forsa rezerva halo kapturasaun ba arguidu ne’ebe komete kazu iha dili iha tinan kotuk se lasala iha fulan setembru ao mesmu tempu ne’e mos halai sai husi ekuadra Dom Aleixo dili iha momentu ne’eba nia tuir hela prosesu invstigasaun iha momentu ne’eba nia halai sai husi eskuadra dom aleixo dili” Dehan Segundu Komadante Polisia Munisipiu Baucau Superintendente Asistente, Jose Casmeiro de Carvalho, ba Jornalista RCLM Baucau, (segunda feira,25/01/21).

Nia afírma, dau-daun ne‘e arguidu detein hela iha sela komando Polísia minisípiu Baucau hodi hein Polísia Nasional investigasaun kriminál atu lori fila ba dili hodi tuir primeiro interogatório iha Tribunál Distritál Dili,Mandadu kapturasaun ne‘e bazeia ba NUC .0642/20.DICCMR.

Jornalista : Feliciano Venancio Belo

Editór

Comment