by

Durante Pandemia Covid-19 Emprezariu Baucau Kontinua Hala‘o Sira Nia Aktividade


Durante Pandemia Covid-19 halo ema hotu no emprezariu balun paradu sira nia akitividade iha Timor Leatebmaibé emprezariu Baucau oan kontinua hala‘o sira nia aktividade no negosiu ho di’ak.

Presidente Camara Comersiu Industria Munisipiu Baucau Estanisalau Maria Quintas, ba Jornalista Radio Comunidade Lian Matebian Baucau segunda feira ne’e, iha nia entrevista hateten,dadaun ne’e mundu tomak sei iha hela pandemia covid-19 ne’ebé afeita ba ema inklui emprezariu balun hapara sira nia aktividade,maibé membru CCI munisipiu baucau la hapara negosiu,aleinde ne’e emprezariu sira la hapara mos aktividade traballadores sira nian.

Nia afirma ,maske iha situasaun ne’ebé perigozu maibé emprezariu sira nafatin esforsu hodi hala‘o sira nia aktividade ne’ebé mak iha.

“SIM tebes duni oras ne’e dadaun ita hasoru pandemia covid-19 ne’ebe afeita mundu tomak inklui mos timor leste maibe ami husi emprezariu baucau membru camara comersiu industria baucau durante ne’e to’o agora dadauk seidauk iha emprezariu ida taka ninia aktividade ekonomiku no mos hapara ninia traballador sira“ dehan Presidente Camara Comersiu Industria Munisipiu Baucau Estanisalau Maria Quintas, ba jornalista RCLM Baucau,(Segunda,25/01/21).

Nia hatutan,dadaun ne’e kompañia hamutuk atus rua resin ne’ebeé eziste iha munisipiu baucau hodi hala‘o sira nia aktividade durante ne’e liu-liu kona ba industria no lojas maibé konstrusaun sivil mak durante ne’e la halo aktividade tamba dala barak durante pandemia covid-19 la iha obra hodi sira hala‘o sira nia aktividade.

“Iha duzentus ital kompañia ne’ebe mak iha no ita hateten lolos katak duzentus ital kompañia ne’e to’o oras ne’e dadaun sira sei eziste nafatin liu-liu iha industri lojas la iha ida para karik iha konstrusaun sivil ne’e mak aktividade balun ne’ebe mak la iha i konstrusaun sivil ne’e nanis kedas sira ne’e la iha empregu ida ne’ebe permanente ne’ebe sira sempre kuandu iha obra mak sira bele rekruta sira nia funsionariu“ Estanisalau Maria Quintas haktuir.

Presidente CCI ne’e sublina, maske surtu covid-19 maibé emprezariu baucau nafatin hatudu sira nia aktividade iha area ekonomia nian hodi priense dezenvolvimentu iha munisipiu baucau.

Jornalista :Agus Guterres & Calistro Pereira

Editór : Agus Guterrea

Comment