by

MAP prepara Traktor 11 fila gratuitu natar Agrikultor iha Munisípiu Baucau


Servisu munisípal Agrikultura no Peskas Baucau dadaun ne’e prepara ona traktor sanolu resin ida liu hosi programa fila rai gratuita natar komunidade nian hamutuk haketar rihun sia tuir tarjetu ne’ebe planu ona hosi servisu agrikultura munisipiu nian. .

Lia hirak ne’e hato’o husi Direktor Servisu Munisipál Agrikultura no Pesca Munisípiu Baucau Agostinho Guterres ba jornalista hateten, programa fila rai gratuita ne’e hala’o ona tinan tinan bazeia ba proposta ne’ebe mai husi autóridade lokál wainhira sira husu fila rai maran no natar.

Nia afirma durante ne’e agrikultor barak mak hato’o nia pedidu atu fila sira nia rai gratuita hosi MAP munisípiu baucau maibé sei la bele responde hotu tamba dadaun ne’e iha deit traktor sanolu resin ida mak funsiona ,enkuantu rua nolu seluk iha kondisaun at.

“tinan-tinan ita sempre apoiu ba ita nia komunidade agrikultores sira no tinan ida ne’e ita apoiu fila to’o rai maran remata ona I agora dadaun ita atu tama fali ba iha natar iha primeira epoka tinan ne’e maibe kondisaun traktor ne’ebe mak iha difikulta ita para kobre hotu pedidu sira ne’ebe hato’o husi komunidade sira tamba ita iha total trkator tolu nolu resin ida unidades maibe ida diak atu fo apoiu ba komunidade sira iha deit traktor sanolu resin ida unidades maibe ita esforsu makas oinsa ita bele atende hotu komunidade nia proposta ne’ebe mak hato’o ona”dehan Agostinho ba jornalista sira quarta-feira(27/01/2021) iha Admistrasaun Munisipál Baucau.

Agostinho esplika,maske ho limitasaun traktor maibé MAP munisípiu baucau kontinua esforsu hodi nafatin fila rai natar gratuita ba agrikultor sira ne’ebé nia pedidu hetan aseitasaun,inklui fahe fini hare variedade nakroma tonelada tolu ba kada postu administrativu.

“fini hare foin dadauk ita destribui kada postu ida ita fo tonelada tolu hanesan postu admistrativu Vemase,Baguia, Venilale no Quelekai, Laga ho Baucau vila mak seidauk,iha fini ne’e iha variedade nakroma hotu”

Tuir observasaun jornalista RCLM nota katak traktor ho marka Kubota,Agrindo no Massey Ferguson hamutuk rua nolu para hela iha area nakloke edifisiu servisu munisípál agrikultura Baucau.

Jornalista Agus Guterres no Abrão Freitas

Editór:Agus Guterres

Comment