by

MAP apoiu Ekipamentus pezadu hodi Normaliza kanal Irigasaun no mota iha Postu Administrativu Laga no Baucau Vila


Ministériu agrikultura no peskas apoiu ekipamementus pezadu hodi normaliza mota iha postu administrativu Laga no postu Administrativu baucau vila ne’ebé durante ne’e estraga kanu irigasaun tradisionál iha Luge,Tekinomata, no Sobabere.

Ketaun ne’e hato’o husi Direktor Servisu Munisipál Agrikultura no Pesca Munisipiu Baucau Agostinho Guterres ba jornalista hateten prezensa ekipamentu pezadu iha area Luge ,Tekinomata ,Sobabere atu normaliza mota ne’ebé tinan tinan sempre estraga kanu irigasaun tradisionál iha fatin tolu refere.

Nia afirma durante prezensa ekipamentus pezadus iha area luge suku soba no suku tekinamota konsege normaliza hotu ona mota no kanal irigasaun ba natar liu atus ida hat nolu resin ba komunidade agrikultura husi suku rua refere enkuantu irigasaun seidauk bele normalize tamba operador sira sei ba simu salariu iha Dili.

“ita mos apoiu husi ministeriu agrikultura fo ekipamentus pezadus ida ke dezde tinan kotuk iha baucau to’o gora nafatin iha ne’e no dadaun ita fo apoiu ba ba postu Laga irigasaun Luge ne’ebe sira normaliza ona mota no mos ke’e kanal irigasaun iha area neba kuaze kilometru neen remata ona no iha neba benifisiu ba natar kuaze hitu nolu resin lima haktares no muda fali mai tekinomata mos normalize ona benifisiariu natar hamutuk hektares Ualu nolu resin I horesik traktor mai fali ona parte sobabere hodi normalize mota irigasaun sobabere no ohin lolos atu komesa ona maibe ita nia operador sira ami rona informasaun dehan sira seidauk simu salariu entaun sira sei iha dili semana oin mai fali sira bele normalize ona mota irigasaun sobabere” dehan Agostinho ba jornalista sira quarta-feira(27/01/2021) iha Admistrasaun Munisipál Baucau.

Nia hatutan hafoin normaliza hotu tiha kanal irigasaun no mota iha area laga suku tekinomata tekniku operador sei kontinua mai iha baucau vila hodi normaliza kanal irigasaun sobabere ne’ebé pretense ba suku lima maibé suku tolu mak sai potrnsial liu mak hanesan Suku Buruma,Seisal no Kaibada .

iha programa normalizasaun kanal irigasaun no mota parte servisu munisípál agrikultura dirasaun tekniku irigasaun iha ona planu tau jumbo iha intake kanu irigasaun nune’e wainhira mota tun la bele sobu ka estragu.

Jornalista Agus Guterres no Abrão Freitas

Editór Agus Guterres

Comment