by

Hahu Fulan Janeiru Inisiu to’o Agora Sela Polisia Baucau Mamuk


Tuir Adjuntu Komadante Policia Municipio Baucau Superintendente Asistente Jose Casmeiro De Carvalho hateten hela deit loron hat atu konklui ona fulan janeiro tinan rihun rua rua nolu resin ida maibé sela detensaun Komando Polisia Nasionál Timor Leste Munisipiu Baucau sei mamuk.

Nia afirma mezmu iha fulan ne’e parte komandu polisia munisípiu baucau rejista kazu sanolu resin ida maibé la detein suspeitu ida tambá kazu ne’e konsidera kazu simples hotu.

“fulan ida ne’e kazu sanolu resin ida maibe kazu kategoria simples hotu entaun iha fulan ida ne’e ita rasik la detein arguidu komparasaun ba situasaun inisiu hela deit loron hat atu termina fulan janeiru kona ba sela ita seidauk detein suspeitu ruma no iha ami nia obervasaun jeral situasaun iha ita nia munisipiu baucau la’o kontroladu”dehan José ba jornalista RCLM quarta feira (27/01/2021)iha nia kanr fatin edifisiu

Komando PNTL Munisipiu Baucau.
Jose reforsa liu tan katak iha loron rua nolu resi hat fulan ne’e komando polisia munisípiu baucau ezekuta mandadu kapturasaun husi Tribunál Distritál Dili nian hodi kaptura arguidu ida iha area fatumaka ne’ebé detein iha sela baucau maibé kazu nee husi munisípio Dili nian.

“ita nia sela komandu PNTL ba fulan ida ne’e ita seidauk hatene tamba iha loron rua ka tolu arguidu ka suspeitu its deten maibe hahu husi loron ida to’o ohin ita seidauk deten ema ida so iha loron rua nolu resin hat ita deten arguidu ida ne’ebe ke ami servisu hamutuk ho polisia nasional dili ne’ebe ke suspeitu ida halai husi dili entaun momentu neba ami tau iha ita nia sela maibe ita munisipiu baucau seidauk”dehan José.

Alende ne’e parte komandu mós hala’o enkontru ho administrador postu administrativo baucau vila inklui xefi suco sanolu resin ida atu ko’alia kona ba observasaun no evaluasaun ba situasaun jerál iha postu administrativu Baucau Vila nian.

“horseik mos ami halo enkontru ho admistrador postu baucau vila hamutuk ho ita nia xefe suku sanolu resin ida iha postu administrativu Baucau vila ho objektivu hodi hato’o observasaun no evaluasaun ba tinan kotuk liu liu iha parte seguransa no seluk ke ita seidauk servisu hamutuk oinsa it abele servisu hamutuk ho diak liu tan”

Adjuntu komadante afirma ba fulan ida ne’e observasaun situasaun jeral iha munisípio baucau la’o ho kontroladu no hakmatek nia laran.
Jornalista :Feleciano Venancio

Editór :Agus Guterres

Comment