by

Ajensia TOMAK realiza enkontru ho parseiru sira atu Avalia progresu servisu durante Fulan 2


Ajensia To’os ba Moris Diak realiza enkontru ho paseiru servisu hodi hato’o progresu servisu durante fulan rua ba extensionista husi ministeriu agrikultura no peska no ajensia dezenvolvimentu sira seluk hanesan CRS,CVTL, ho World vision.

Jerente Ajensia TOMAK Isac Ribeiro Ximenes ba jornalista sira hateten, enkontru ne’e ajensia tomak realiza hanesan aktividade rutina kada fulan atu nune’e extensionista bele hato’o sira nia informasaun kona-ba dezafius ne’ebe sira hasoru durante implementasaun programa tomak nian iha baze.

Isac afirma,relasiona apoiu orsamentu husi DIfat ne’ebe sei termina iha fulan Marsu,ajensia TOMAK hamutuk ho extensionista sei hare’e ba iha programa ho nia sustentabilidade ba futuru hodi halao programa balun ne’ebé sei iha.

“enkontru ida ne’e aktividade rutina ba iha programa tomak kada fulan sira mai hamutuk ho programa ho dirasaun husi extensaun ninian atu bele hato’o informasaun sira no mos sira ko’alia kona ba dejafisu ne’ebé sira hasoru durante implementa programa no mos hato’o planu saida mak sira sei implementa iha fulan tuir mai,tomak nia planu ba oin ita hotu hatene programa ida ne’e orsamentu husi DIFAT sei remata iha Junho 2021 entaun ami ho dirasaun no tekniku sira ami ko’alia kona ba oinsa programa nia sustentabilidade durante fulan tolu ou hat ba oin saida mak prioridade liu-liu atu hare’e kestaun produsaun nian saida mak ita apoiu tan ba sira”dehan Isac ba Jornalista RCLM Tersa-Feira(26/01/2021)iha Salaun Uma Dame Baucau.

Iha enkontru ne’e Jerenti Hateten, aktividade ne’ebé mak Ajensia tomak ho extesionista sira hala’o ne’e prioritiza nafatin asistensia tekniku ba komunidade sira kona-ba pratika agrikultura diak ne’ebé mak rekomenda ona husi ministériu agrikultura no peska nune’e bele ajuda komunidade hodi hasa’e liu tan kualidade produsaun ai han ne’ebé diak nune’e bele motiva komunidade atu kuda nafatin.

“aktividade sira ne’ebe ami prioritiza mak hanesan aktividade asistensia tekniku liu liu ba iha apoiu nafatin fini nafatin ba sira maibe importante liu apoiu tekniku tamba sira ne’ebe kuda fore rai hare’e mean iha tinan kotuk sira iha ona konesementu tekniku oituan maibe sira ne’ebe foun agora extensionista sira nafatin fo asistensia tekniku liu-liu siada sira ko’alia pratika agrikultura diak atu kuda tuir tekniku husi MAP nian”

Xefe Departamentu Programa extensaun Agrikola Munisipiu Baucau Teresa da Costa Almeida hateten governu liu husi ministeriu agricultura no peska servisu diak ho Ajensia Tomak,sempre apoiu programa agrikultura nutrisaun sensivel ba komunidade agrikultura sira.

“Governu liu husi dirasaun ministériu agrikultura no peskas munisípiu Baucau servisu hamutuk ho ita nia parseiru sira la’o ho diak tamba ami iha lina kordenasaun liu liu ba iha area agrikultura nian,ohin ita hotu rona ajensia tomak nia programa la’o tiha ona ba programa lubuk ida liu ba iha agrikultura nutrisaun sensivel ba iha ita nia komunidade sira no iha tinan ida ne’e sira sei aumenta tan programa rua hanesan agrofloresta no agro negosiu”Dehan Teresa.

Tempu besik Ajensia Tomak ensera ninia aktividade servisu faze dahuluk no planu tuir mai sei hala’o aktividade faze daruak ninian hanesan agrofloresta no agro negosiu.

Jornalista:Agus Guterres &Abrão Freitas

Editór : Agus Guterrs

Comment