by

Ema deskonesidu tuda rahun Vidru kareta EDTL Baucau iha kailara


Xefi Departamentu EDTL Baucau José Pires Pereira ateten nu‘udar responsavél ba seitor eletrisidade sente triste tambá ema deskonesidu tuda rahun vidru kareta EDTL baucau nian inklui kondutor kareta hetan kanek kaman iha parte liman karuk tambá vidru rahun mak kona ne‘ebé akontese iha area Kailara Suku Buibau Postu Administrativu Baucau Vila iha kinta feira kalan.

Jose hatutan,insedente ne‘e akontese wanhira ekipa tekniku EDTL halo atendementu avariasaun eletrisidade iha klietnte nia uma kailara, depois ekipa sira kontinua ba wailili,hafoin fila husi suku wailili mak hetan tuda husi ema deskonesidu iha area makam pahalawan nia sorin.

“nu’udar resposabel setor eletresidade liu liu iha munisipiu baucau hau sente triste tamba ami nia ekipa ba halo atendiementu ita nia komunidade iha area kailara komu sira nain hat entaun nain rua hela iha kailaran kolega tula nia maluk ba iha wailili depois fila derepente hetan asidente ema deskonesidu tuda kareta EDTL vidru rahun no ami nia kolega nia liman makanek kaman,hau nu’udar resposabel EDTL hau triste liu tamba lolos ema halo asaun hanesan ne’e ba ami EDTL sira tamba eletresidade mak setor importante ba ema hotu atu asesu,ho ami nia obrigasaun ne’e ami hala’o iha komunidade sira ne’ebe presiza tamba sira tur deit iha nakukun laran ami fornese eletresidade maibe ema deskonesidu tuda iha area Makam Palawan nia sorinˮDehan José ba Jornalista RCLM Baucau Sesta-feira(22/01/2021) iha nia servisu fatin edifisiu EDTL Baucau.

Nia hatutan insedente ne‘e akontese tambá ema la iha konsensia hodi kontinua hatudu hahalok kriminoju hodi tuda ema ne‘ebé halo movimentu iha tempu kalan tambá tuir informasaun ne‘ebé mak autóridade suku hateten katak iha kinta feira kalan ne’e la‘os tuda deit kareta EDTL nian maibé tuda mós transporte publiku seluk ne‘ebé viajen iha tempu kalan.

“Ohin dadersan hau informa ba xefe aldeia no xefe suku maibe sira dehan la’os tuda deit kareta edtl nian maibe tuda uluk kareta seluk,tuir hau ema ne’ebe hatudu hahalok hanesan ne’e la iha konsiensia tamba eletresidade setor importante ba dezenvolvimentu tamba ne’e ahi eletresidade rua iha area ne’ebe deit mak mate komunidade sira informa ami tenke ba iha tempu ne’ebe deit tamba nia kliente,ohin mos ami informa ona ba xefe suku se ba oin ami ba tan mak sira tuda nafatin iha tempu klan urejente ruma ahi lalakan iha area ne’eba ami la bele ba ona tamba ami asegura ami nia vidaˮ

Xefe Departementu ne‘e husu ba populasaun iha munisipiu baucau atu labele impede sira nia movimentu iha tempu kalan ga loron tambá sira la‘o la‘os ba interese privadu maibé interese ema hotu nian tamba eletrisidade ne‘e inpotante tebes ba sidadaun hotu iha munisípiu baucau laran tomak.

Bainhira Jornalista RCLM konfirma kestaun ne‘e ba parte seguransa husi Komandu Polisia Munisípio Baucau seidauk fo nia komentariu tambá sei halo servisu inportante iha dili.
Jornalista:FelicianoVenanscio

Editor :FelicianoVenanscio

Comment