by

ANPM kongratula Kompañia Manudare Unip.Lda


Prezidente Autoridade Nasional Petróleo no Minarais hato’o kongratulasaun ba kompañia Manudare Unip.Lda,tamba alkansa ona nia objetivu ne’eb”e durante ne’e ho esforsu an hari’I postu liu hosi prosesu ne’ebé naruk hodi konsege realiza misaun ho vizaun ne’ebe iha.

Lia hirak ne’e hato’o hosi Prezidente Autoridade Nasional Petroleo no minarais Florentino Soares Ferreira,iha nia diskursu cerimonia inagurasaun postu abastesementu no kombustivel manudare unip. Lda hateten, aktividade abastesemntu no kombustivel hanesan dadaun ne’e persiza iha regulamentu atu regula bazea ba regulamentu ANPM nian nune’e atende ba públiku la’o tuir regra ne’ebé estabelesidu.

Nia afirma, ANPM iha objetivu fundamental, mak oinsá atu fó motivasaun no kontinua suporta timor oan hotu ne’ebé iha kbi’it atu dezenvolve nasaun no munisipiu liu hosi estabelese postu abastesemntu kombustivel hodi dezenvolve ekonomia munisipiu.

“Autoridade nasional petroleo I minarais hakarak mos fo parabens ba empreza kompania manudare ba alkansus ida ne’ebe mak ohin ita hotu marka prejensa I selebra hamutuk I aktividade postu abastesimentu kombustivel sira hanesan ne’e ita tenki iha regulamentus lei atu regula,I autoridade nasional petroleo minarais hare liu ba responsabilidade sira ne’ebe maka atu garantia ita nia servisu de fornesimentu kombustivel ba publiku ne’e lao tuir regras I dalan ne’ebe mak ita hatuur ona” Dehan Prezidente Autoridade Nasional Petroleo no minarais Florentino Soares Ferreira,ba jornalista sira (Sesta,22/01/21).

Florentino hateten hanesan estadu hakarak halo prestasaun sevisu ida ho kualidade hodi la bele fó risku ba emprezariu no komunidade sira ne’ebé hela besik iha area postu kombustivel tamba ne’e parte ANPM rigor liu iha kualker intervesaun.

“Hanesan estadu ita sempre hakarak halo prestasaun servisu ne’ebe mak ho kualidade I prestasaun sira ne’ebe mak kualidade tenki mai ho padrões estandarizasaun tomak ne’ebe mak atu hatuur atu no fim labele fo risku ba primeiru emprezariu rasik tamba iha ivestimentu kapitais ne’ebe mak boot I segundu ba komunidade ne’ebe mak moris iha fatin sira besik ho ida ne’e mak ami sempre rigor tebe-tebes iha ami nia kualker intervensaun laos dehan ami hakarak prejudika emprezariu no fim kuandu buat ruma mak akontese emprezariu sira mak sempre sai afeita nafatin ho ida ne’e ami garantia katak ho kolaborasaun komunikasaun kordenasaun no sinkronizasaun de ideias I kualker maneiras ne’ebe mak ita uza atu ita bele atinje ita nia objetivu tomak” Florentino Soares Ferreira, haktuir.

Entertantu,Diretur Kompania Manudare Unip.Lda Helio Francisco da Costa hateten,objetivu Kompañia Manudare estabelese postu abastesementu kobustivel atu faselita komunidade baucau vila inklui komunidade hosi munisipiu seluk ne’ebé hala’o aktividade transportasaun iha munisípiu baucau.

Diretur Kompania Manudare Unip. Lda reforsa tan katak,orsamentu ne’ebé uza hodi konstrui postu abastesemntu kombustivel, hamutuk rihun atus ida lima nolu dolares amerikanu enkuantu postu abastesimentu refere dadaun ne’e iha trabaillador hamutuk sanolu resin ida kompostu hosi operador,supervisor,xefe operasional no meneger.

“Hare’e katak nu’udar baucau villa nia oan iha potensia boot bele fasita ba iha komunidade komsumidores iha munisipiu bauca laran no mos ba komunidade komsumidores ne’ebe liur husi munisipiu baucau ne’ebe mak mai halao aktividade iha munisipiu baucau,kompania manudare iha esperansa ba oin sei bele posivel karik atu ba iha nivel investor mabe ida ne’e sei liu husi aktivdade negosiu kombustivel iha area negosiu ida ne’e la taka dalan posivel ba oin bele mos halo investimentu iha nivel investor” Dehan Diretur Kompania Manudare Unip. Lda Helio Francisco da Costa.

Iha ceremonia inagurasaun postu abastesementu kobustivel manudare Unip.Lda Prezidente ANPM entrega sertifikadu legalidade ba diretur kompania inklui ense mina ba premeiru kliente ne’ebe reprezenta hosi amu paroku santo Antonio baucau ho Prezidente autoridade Munisipiu nia kareta.

Jornalista :Agus Guterres & Calistro Pereira

Editór Agus guterres

Comment