by

SMSB Kontinua Fahe Informasaun Moras Dengue ba Negosiantes Sira Iha Merkadu Vila Nova Baucau


Servisu munisípal saúde baucau kinta feira ne’e fahe informasaun ba negosiantes sira iha merkadu vila nova,relasiona ho moras dengue tamba munisípiu baucau mos sai risku ba moras dengue nune’e ema hotu bele prevene an hosi moras refere.

Responsavel Pilar Dois ba Promosaun Edukasaun no Saúde Abrão Pinto ba jornalista RCLM-B hateten, iha munisípiu baucau dadaun sai risku ba moras dengue tamba moras dengue afeita ona komunidade sira no barak mak baixa ona iha Horex Baucau, tamba ne’e parte saúde husu ba komunidade atu prevene an liu hosi hamos uma ninin,taka be’e naliun sira,fase tanki no bidaun , fakar sai be’e iha vazu ai-funan nian no toba iha moskeiteru laran nune’e la bele hakiak susuk hodi hamosu moras dengue.

“Ko’alia kona ba dengue tamba ita nia munispiu baucau sai risku ba dengue,maibe dadaun ne’e dengue mos sai afeita ona ba ita nia komunidade sira ne’ebe komunidade balun mos dadaun ne’e baixa ona maibe ba ema ne’ebe moras nia numeru ami labele fo hatene tamba ne’e so husi parte vizilansia mak bele hatene ninia numeru total,entaun meius sira ne’ebe mak halo prevensaun ba moras dengue nian mak tenki hamos uma ninin no halot didiak roupa sira iha uma laran,tenki taka metin bee iha bidon laran fase tanki no fakar sai bee ne’ebe iha vazu ai funan laran” Dehan Promosaun Edukasaun no Saúde Abrão Pinto ba jornalista RCLM-B,(Kinta,07/01/21).

Abrão hatutan,liu husi informasaun ne’e husu mos ba komunidade hotu wainhira hetan sintoma sira hanesan isin manas durante loron rua ka liu,muta kahurr ho ran,ran sai hosi inus,lalais hakbesik an ba sentru saúde ne’ebé besik hodi hetan tratamentu saúde,tamba dadaun ne’e parte saúde hari’i hela tratamentu emerjensia iha Eis Hospitál Referral Tirilolo Baucau bele hakat ba hodi hetan asistensia saúde.

“hau mos ba komunidade sira bainhira hetan sintomas hanesan muta kahur ho ran,no ran sai inus hakbesik an ba fasilidade saude hodi hetan tratamentu saude tamba moras ne’e perigozu tebes” Abrão Pinto realsa.

Maske moras dengue seidauk hamate ema ruma maibé Servisu munisípal saúde baucau husu nafatin konsiénsia ema hotu-hotu atu nafatin prevene an nune’e la bele hetan moras dengue.

Jornalista Agus Guterres

Editor: Agus Guterres

Comment