by

Prejensa SAMES Rejional, Atu Responde Nesesidade Populasaun Munisípiu Baucau


Servisu Autónomu Medikamentus no Ekipamentus Saúde rejional nia prejensa iha munisipiu baucau, ho obejtivu atu hakbesik liu tan produtu ai moruk ba fasilidade saúde, hodi atinje planu estratéjiku ne’ebé mak iha atu bele responde ba probelema populasaun sira nian ne’ebé infrenta durante ne’e iha sentru saúde no postu saúde sira.

Director Ezekutivu SAMES Nasionál Santana Martins, hafoin hala’o talkshow iha studio RCLM-baucau hateten, durante ne’e stock ai moruk hotu-hotu ne’ebé SAMES sosa no armajena deit, iha SAMES nasional tamba ne’e halo komunidade tarde hetan produtu ai moruk hirak ne’e,nune’e SAMES nasional iha ona planu hodi estabelese SAMES rejional iha munisípiu baucau.

Nia afirma, hari’i SAMES rejional ne’e atu atende ba munisipiu haat hanesan baucau,lautem,viqueque,no manatuto inklui Hospital rejional Eduardo Ximenes Baucau.

“SAMES hahu ona dezenvolve nia planu estratejiku i nune’e ita hanoin katak ita durante ne’e produtu hotu-hotu medikamentu i bem komsumu mediku sira ita sosa no armajena iha dili,entaun dala barak liu komunidade sira kleur ka atrasa hetan produtu hirak ne’e tamba ne’e mak ami hanoin katak ita prezisa dezenvolve tan SAMES rejional nune’e ita bele lori besik liu ita nia produtu hirak ne’e ba iha fasilidade sira i ami deside ita estabelese armajen rejional de baucau ne’ebe amak bele fo atendimentu ba ba iha munisipiu haat ne’e mak munisipiu Baucau rasik,Lautem,Viqueque,Mantuto inklui Hospital rejional Eduardo Ximenes baucau” Ba Jornalista Radio Comunidade Lian Matebian Bauacau, Director Ezekutivu SAMES Nasionál Santana Martins,(Kuarta,20/01/21)

Director Ezekutivu SAMES hatutan, tamba tuir análiza no idenfikasaun ne’ebé iha sentru saúde no postu saúde hamutuk atus ida rua nulu resin rua (122) ne’ebé mak durante ne’e obrigatoriu to’o iha SAMES nasionál hodi asesu ba produtu hirak ne’ebé mak iha.

“entaun husi ida ne’e ami nota katak bainhira ita halo análiza sentru saude no postu saude no fasilidade saude sira ne’ebe estabelesidu mais ou menus ita iha sentu vinte e dois fasilidade ne’ebe mak assesu produtu ne’e tenki to’o iha dili entaun ami tenki iha hanoin katak ita mak tenki lori besik ita nia fasilidade ba iha tan iha komunidade lia leet ho esforsu hirak ne’e hotu ami hanoin katak dezenvolvimentu SAMES iha nivel sentral ne’ebe mak ita bolu armajem dehan sentral nune’e mos iha armajen rejional iha ona progressu kuaze atu ba tinan rua ona ami hanoin katak presiza infraestrutura nune’e mos kompleta kondisaun balun ne’ebe mak ita iha”Dehan Director Ezekutivu SAMES Nasionál.

Enkuantu dadaun ne’e,SAMES nasionál mos estabelese armajem reijional sira hodi kobre ba sentru saúde no postu saúde sira,mak hanesan armajem rejional Ainaro,Maliana,inklui armajem rejional Baucau.

Comment