by

Sosiedade Sivil Sujere atu Komunidade mak Implemeta Projeitu uma ba kbi’it la’ek sira


Sosiedade sivil munisípiu baucau sujere atu komunidade sira mak implementa projeitu hari’I uma ba ema ho kbiit laek sira ne’ebé,oitavu governu konstituisional aprova ona katak territóriu timor hetan uma tolu ba ema kbiit laek iha aldeia ida iha kada suku.

Kestaun ne’e hato’o husi Sosiedade Sivil Munisípiu Baucau Augosto Pires, hafoin partisipa sosializasaun ho tema “matadalan implementasaun uma ba ema kbiit laek” (UKL) iha CCB tersa feira ne’e, ba Jornalista Radio Comunidade Lian Matebian Baucau hateten,projeitu ne’e importante tebes hodi nune’e halo implementasaun ho diak iha kada suku no aldeia.

Nia afirma, governu mak aloka ona osan hodi hari’I uma ba ema kbiit laek ne’e,komunidade mak tenki implementa,enkuantu labele fó projeitu ne’e ba kompañia sira seluk ne’ebé dook husi suku no aldeia ne’ebé atu estebelese uma ba ema kbiit laek sira.

“Ita mos hare’e projeitu importante tebe-tebes naran katak ninia implementasaun ne’e kona sasarang,sasarang mak por ezemplu iha catorze mill hanesan ba kada uma ida, i oras ne’e dadaun ita iha hela situasaun krize be covid-19 ne’e osan ida nene se bele karik ami nia sujestaun ne’e osan ne’e komunidade mak implementa se ita lori kompania husi Dili no fatin seluk mai ba iha aldeia sira ne’e,depois foti osan ba kompras iha liur osan la hela iha ita nia rai nafatin ne’ebe sujestaun primeiru ne’e programa ne’e kapas tebe-tebes i ita hare’e governu tau ona atensaun ba ema kbiit laek sira programa ne’e tenki implementa husi komunidade lokal sira” Dehan Sosiedade Sivil Munisípiu Baucau Augosto Pires,(Tersa,19/01/21) ne’e hafoin partisipa sosializasaun.

Augosto Pires reforsa liu tan , atu halo selesaun no identifikasaun ba ema ho kbi’it la’ek ne’e tenki ho lolos hodi nune’e labele fó oportunidade tan ba ema ne’ebe mak durante ne’e hetan ajuda balun husi governu.

“Ami mos preokupa tamba selesaun ne’e dalaruma,lahatene oinsa mak ita bele halo selesaun lolos uza kriteria saida mak bele hatudu lolos dehan katak ema ne’e kbi’it laek tamba orsida balun fo tan fali deit ba ema ne’ebe simu tiha ona,balun ne’ebe simu faan tiha ona agora fo tan fila fali tamba nia la iha uma no material ne’e faan tiha ona ida ne’e mak selesaun ne’e tenki klaru,hau hanoin ita nia xefe suku no xefe aldeia ne’e sira iha kbiit ba ida ne’e” Tenik Baucau Augosto Pires.

Entertantu sosiedade sivil ne’e mos nafatin husu ba autoridade lokal sira atu servisu ho imparsial no neutralidade wainhira hari’I uma ba ema kbiit kaek sira iha kada suku no aldeia.

Jornalista: Calistro pereira

Editór :Agus Guterres

Comment