by

Presidente CCI Munisípiu Baucau hahu prepara Statutu ba Estabelesementu Assosiasaun Merkadoria


Presidente Camara Comersiu Indústria Munisípiu Baucau, hahu prepara ona estatutu hodi estabelese assosiasaun merkadoria baucau villa iha tinan ne’e, tamba negosiante hotu tenki iha assosiasaun nia okos nune’e fasil hodi kontrola no regula tuir estatutu ne’ebé estabelese atu bele fó apoiu ba polítika desentralizasaun nian iha munisípiu baucau.

Lia hirak ne’e hato’o husi Presidente CCI munisípiu Baucau Estanislau Maria Quintas da Costa tersa feira ne’e, ba jornalista RCLM Baucau hateten, iha ona planu hodi servisu hamutuk ho UN WOMEN atu estabelese assosiasaun,maibé nafatin akompaña polítika governu nian ne’ebé dadaun ne’e estabelese ona no parte CCI sei hasoru malu ho PAM foun hodi diskute kona ba muda vendedores ba merkdu foun tua nau.

Nia afirma,dadaun ne’e CCI iha ona ekipa ne’ebe preparadu atu prepara estatutu sira,aleinde ne’e camara comersiu industria baucau durante ne’e hili ona representantes negosiante nain neen hodi tuur iha estrutura assosiasaun nian tuir estatutu CCI nian ne’ebé planu ona.

“sim ami iha ona planu hodi hamutuk ho administrasaun no UN WOMEN hodi estabelese assosiasaun, maibe agora ita tenki akompana politika governu tamba ita labele mesak no ita mos tenki akompana ita nia presidente foun munisipiu nia politika ne’ebe mak iha,no hau mos iha planu hodi semana oin hau hasoru ho ita nia sua excelensia presidente autoridade hodi husu nia opiniaun”Dehan Presidente CCI Munisípiu Baucau Estanislau Maria Quintas da Costa ba jornalista RCLM, (Tersa,19/01/21).

Estanislau hatutan,estatutu assosiasaun ne’e mos parte CCI ho nia ekipa distribui ona ba porta voz negosiantes sira hodi fahe tutan ba malu atu hare’e no análiza.

“Ami mos kopi ona estatutu ne’e hodi fo ona ba sira,hodi sira lori halo diskute ho nia maluk sira,no ita mos hare’e planu presidente autoridade munisipiu nian hafoin ita konvida fali sira hodi halo tan enkontru hamutuk ho sira” Presidente CCI Munisípiu Baucau haktuir

Entertantu estabelesimentu assosiasaun ne’e sei kobre ba merkadu villa nova no villa antiga munisípiu baucau.

Jornalista :Agus Guterres & Calistro Pereira

Editór Agus Guterres

Comment