by

HóRex Baucau Rejista Moras Denge 5 iha semana rua nia laran


Hóspitál Rejionál Eduardu Ximenes Baucau durante semana rua hahu loron ida to’o loron sanolu resin lima fulan janeiru tinan rihun rua rua nolu resin ida,rejista ona moras denge hamutuk ema na’in lima.

Xefe Sala Emerjensia HoRex Baucau Mario Belo hateten ,pasiente na’in lima ne’ebé hetan moras ho sintomas hanesan isin manas ,muta,han menus to’o iha sala emerjensia dotor sira halo teste rezultadu hatudu sira sofre moras denge.
Nia afirma husi pasiente na’in lima ne’e, na’in hat rekopeadu no alta ona no pasiente Jael Pinto Rios sei kontinua hetan tratamentu intensivu husi dotor sira tambá kondisaun pasiente nia isin sei manas makas.

“kazu denge ami rejistu kazu hamutuk ema na’in lima ida naran Nelson tinan sanolu resin hat nia mai ho sintomas isin manas maka’as,laran sae,muta no la han barak depois ami hasai nia sampel ba tes iha laboratorium no dotor sira fo ai moruk nia rekopera fila ona ba uma,depois pasiente ho naran Senisia kabral tinan tolu ne’e mos moras denge baisa iha sala pedetria no alta hotu ona no pasiente Jaiel mak sei baisa hela iha sala mediak hodi hetan kuidadu intensivu tamba pasiente isin sei manas makas”dehan Mario ba Jornalista RCLM Sesta feira (15/01/21 iha nia knar fatin Sala emerjensia HoReX Baucau.

Familia pasiente Ana Aparicio hateten pasiente hetan duni moras denge iha uma wainhira ami lori mai dotor sira halo diagnose rezultadu hatudu moras denge no pasiente kontinua baisa hodi hetan tramentu intensivu husi dotor sira iha sala internamentu.

“hau lori hela prima mai hospital dotor sira koko dehan katak nia hetan diagnose moras denge no dadaun ne’e nia nafatin iha ne’e atu nune’e dotor sira fo atendementu ba nia”dehan Ana.

Xefe sala emerjensia HoRex apela ba komunidade sira iha munisipiu baucau atu ida-idak halo prevensaun ba moras denge liu husi hamos lata mamuk ,be’e ne’ebé nalihun iha vazu ai funan no hamos bei-beik ambiente iha area uma nian.

Jornalista :Agus Guterres & Abrão Freitas

Editor : Agus Guterres

Comment