by

Grupu FILTEDA Baucau husu Sekretariu Arte no Kultura hari’I Sentru Kultural iha Munisípiu Baucau



Grupu Filme Teatru no Tebe-Dai (FILTEDA) Baucau husu ba sekretariu arte no kultura hodi hari’I sentru kultural iha Munisípiu Baucau / tamba durante ne’e Grupu FILTEDA apresenta aktividade liga ba filme teatru no tebe-dai iha munisipu baucau inklui munisipiu sira seluk iha ema barak mak ho entusiasmu hodi akompaña aktividade sira ne’e.

Lia hirak ne’e hato’o husi Responsavel Masimu Grupu FILTEDA Baucau Silvano Rodrigues Xavier iha talk show Radio Comunidade Lian Matebian baucau / kinta feira ne’e hateten/ ba futuru sei kordena ho autoridade lokal no liu-liu sekretariu arte no kultura hodi bele hari’I sentru kultural iha munisipiu hodi bele fasilita juventude sira ne’ebé iha esperiénsia hodi pratika.

Nia afirma tamba dadaun ne’e juventude barak mak iha talentu maibé la iha fatin ba sira hodi bele implementa sira nia talentu hirak ne’e.

“Tamba agora ami iha politika ida hanoin katak, ba futuru sei oinsa mak atu ko’alia ho autoridade lokal parte husi sekretariu arte no kultura para bele estabelese mos sentru kultural iha munisipiu baucau,tamba iha baucau juventude ne’e iha muita talentu maibe liga ba talentu despostu nian iha ona kampu ba sira maibe juventude no alin sira ne’ebe iha skiil kona ba arte nian hanesan dansa tradisional no modernu no teatru maibe fatin ba sira ne’e la iha” Dehan Responsavel Masimu Grupu FILTEDA Baucau Silvano Rodrigues,(kinta,14/01/21) hafoin talk show iha RCLM Baucau.

Silvano Rodrigues akresenta tamba liu husi hari’I sentru kultural ne’e bele identifika ona ema ne’ebé iha esperiénsia kona-ba dansa kultural husi kada suku,tamba dala barak ema ne’ebé iha esperiénsia maibé ladun implementa ho diak tamba la iha fatin ba sira.

“Tuir hau nia hanoin sentru kultural ne’e importante para wainhira ita iha eventu ruma karik uza no estabelese ema sira ne’e deit ,no ita mos bele identifika ona dansa kultural husi suku suku-suku nian,ita hatene katak koalia kona ba tebe dai ema ne’ebe iha skill kona ba tebe dai iha baucau ne’e iha maibe dalaruma mosu hanesan eventual deit maibe oinsa mak koko ita nia sentru iha ne’e ita hamutuk nafatin para ita halo nafatin apresentasaun ne’e para jerasaun foun sira ne’e bele aprende no hatutan nafatin entaun wainhira eventu kona ba kompetisaun internasional iha mundu iha kona ba dansa kultural nasaun seluk apresenta ninian Timor-Leste mos apresenta dansa kultural” .Silvano Rodrigues Xavier haktuir.

Responsavel Grupu FILTEDA Baucau ne’e sublina liu husi aktividade hirak ne’e bele haforsa nafatin kultura timor nian hodi bele enkoraja jerasaun foun sira atu bele apresenta iha kuaker eventu ne’ebé mak iha.

Jornalista :Calistro Pereira

Editór :Agus Guterres

Comment