by

Eskola Eninu Bazíku Centrál Oso huna Kontinua Infrenta menus Sala Aula


Eskola Ensinu Baziku Central Oso Huna Postu Adaministrativu Baguia Munisipiu Baucau kontinua infrenta menus sala aula hodi atende estudantes primeiru,segundu no terseiru siklu tambá akontese udan no anin bo’ot ne’ebé akontese iha fulan janeiru tinan rihun rua sanolu resin sia estraga uma eskola haat to’o oras ne’e foin hadia eskola rua no eskola rua seidauk hadia.

Direktor EBC Oso huna Joaquim de Almeda Daconseҫão hateten,ho natureza anin akompaña ho udan ne’ebé akontese iha tinan ida liu ba sobu eskola hat maibé Ministériu Edukasaun Juventude Desportu reabilita ona eskola ida no ida seluk reabilita husi inan aman estudantes sira nia no falta eskola ida mak seidauk reabilita husi anin bo’ot ne’ebé estragus.

Nia afirma MEJD no inan aman reabilita ona eskola rua kompostu husi sala aula neen mak diak hodi hala’o prosesu aprendisajem iha laran maibé sala aula ba estudantes sei menus tambá kuntidades estudantes barak ho nune’e eskola sei halo enkontru ho inan aman sira atu halo uma provizoriu hodi aumenta sala aula.

“eskola ne’e anin sobu iha tinan rihun rua sanolu resin sia maibe estadu liu husi MEJD iha tinan rihun rua rua nolu reabilita ona eskola ida kompostu husi sala tolu eskritoriu ida no eskola ida inan aman mak reabilita no eskola rua ne’ebe seidauk hadia tama ona lista para MEJD mai reabilita,ba estudantes iha eskola ida ne’e barak tebes sala la to’o tamba ne’e ami atu halo enkontru ho inan aman estudantes sira nian hodi halo uma provizoriu atu nune’e estudantes sira eskola iha okos”dehan Joaquim ba jornalista RCLM Segunda-Feira(18/01/2021) liu husi Via telefone.

Director EBC Oso Huna hatutan ho kuantidade estudante husi Primeiru siklu to’o iha ensinu bazíku ne’ebé barak parte eskola sei halo enkontru ho inan aman estudantes sira hodi halo ba tornu rua dedader no loraik inklui distasiamentu social hodi halo prevensaun ba virus Covid-19.

“orsida ami mos halo enkontru ho profesores sira atu ko’alia kona fahe turnu no koloka estudante ba sala aula tuir protokolu ministeriu saude nian hanesan halo distansiamentu socialhodi prevene virus corona”

Total estudantes iha eskola ensinu baziku central Oso huna hamutuk atus tolu tolu nolu.

Jornalista AF

Editor : Abrao Freitas

Comment