by

Kondisaun Quartél Bomberus Baucau grave fo ameasa vida Pesoal Bomberus sira.


Kondisaun Quartél Bomberus Baucau grave tebes hodi fó ameasa ba vida servisu ekipa bomberus sira nian, tambá Quartel refere dezde Indonesia nia tempu to’o agora seidauk hetan reabilitasaun hosi parte kompotente no dadaun ne’e funsionariu bomberus sira aguenta nafatin uza, hodi hala’o servisu hanesan bai-bain.

Lia hirak ne’e hato’o hosi Premeiru Komadante Bomberus Jose Cabral ba jornalista sira, kinta fera ne’e hateten alende kondisaun quartel, iha mos Kareta bomberus balun ne’ebe at durante tinan barak no to,o agora seidauk hetan Kareta foun, dadaun ne’e ekipa bomberus iha deit kareta rua ne’ebé ida fasilita sira hodi halo operasaun no kareta auto tanki ida hodi responde ba insendiu wainhira akontese iha populasaun sira nia le’et.

Nia afirma ho kareta ne’ebé la sufisiente sempre difikulta servisu ekipa bomberus sira nia wainhira akontese insendiu iha area ne’ebé dook.

“ami hetan difikuldade barak kona ba ekipamentus no kondisaun kuartel hare’e plafon sira monu hotu ona no kuartel ne’e fo ameasa mai ami nia membru pesoal bombeirus sira ne’ebe hala’o serbisu iha laran,ami nia ekipamentus hodi uza ba servisu nian mos at hotu ona la iha foun ruma atu troka,alende ne’e ami nia kareta iha rua kareta ki’ik ida no auto tanki ida maibe fraku hotu ona”dehan Jose.

Nia hatutan ekipamentu ne’ebé ekipa bomberus baucau persija liu mak kareta auto tanki ida tan ,stintores no kareta piesel ida inklui mangera nune’e bele apoiu servisu ekipa bomberus nia iha terenu tambá dadaun ne’e ekipamentu sira ne’e barak mak at.

“ami husu ba governu presiza fo poiu ekipamentu viaturas ba insediu ninian stintores, no trasporte piesel ida hodi nune’e bele apoiu kareta tanki,alende ne’e mageira sira mos uza kleur ona ne’ebe kuak presiza foun fali”

Dadaun ne’e ekipa funsionariu bomberus ne’ebé servisu, hamutuk ema nain rua nolu resin ualu.

Jornalista:AG

Editór :Agus Guterres

Comment