by

VIII Governo Kongratula PAM Baucau Sesante tambá hala’o nia Kna’ar ho diak Durante Tinan Barak

Oitavu Governu liu husi Ministériu administrasaun estatál hato’o Kongratulasaun no agradese profunda ba Prezidente Autóridade Munisípiu Baucau Sesante António Augusto Guterres tambá durante ne’e hala’o nia servisu ho diak no fo nia kontribuisaun ba servisu administrasaun munisípiu baucau nian durante tinan barak.

Ministru Admninistrasaun Estatál Miguel de Caravlho perreira hato’o mos nia deseju ba prezidente autoridade munisipiu baucau sesante no populasaun sira hotu iha munisipiu ne’ebe nakonu ho naroman no nafatin fo kontribuisaun ba dezenvolvimentu municipal no nasional.

“hodi oitavu governu konstituisionál nia naran hau hato’o agradese profundu ba prezidente autoridade baucau sesante ba ita bo’ot nia kontribuisaun durante tinan hirak nia laran iha servisu adaministrasaun munisipiu baucau nian,agredesementu ne’e mos hatutan ba familia presidente sesante nian ne’ebe durante ne’e fo apoiu tomak ba prezidente autoridade sesante hodi hala’o nia funsaun durante nia mandatu”dehan Miguel

Iha tempu hanesan Prezidente Autóridade Sesante António Augusto Guterres agradese ba Minístru Administrasaun Estatál tambá ,bele hasai ona nia hosi servisu todan ne’ebé durante ne’e atribui ba nia no nia pronto atu servisu hamutuk ho prezidente autóridade foun hodi dezenvolve baucau ba oin tuir moto ne’ebe nia kria baucau ida ba baucau oan hotu maibé mós depende ba prezidenete autoridade foun nia modelu lideransa.

“hau pronto kopera ho prezidente foun maibe depende ba ita bo’ot nia modelu lideransa ne’ebe uza”dehan PAMB Sesante António

Seremonia tomada depose ba PAM foun ne’e MAE Liu hosi vice MAE entrega sertifikadu apresiasaun ba Prezidente Autóridade Mmunisipiu baucau sesante.

Comment